منتديات خواطر مبعثرة
السلام عليكم ورحمة الله وبركاته ، ومرحبا بكم ، تسعدنا زيارتكم ، ويسعدنا أكثر تسجيلكم لتكونوا ضمن ورودنا.كل عام وانتم بخير

منتديات خواطر مبعثرة

منتدى ادبي اجتماعي ثقافي في قالب مرح
 
الرئيسيةمرحباس .و .جالتسجيلدخول
المواضيع الأخيرة
» هل من مرحب
الإثنين يونيو 02, 2014 2:47 am من طرف ايمان اصبيح

» أضغاث أحلام ...
السبت مارس 01, 2014 11:02 pm من طرف hussain alaswad

» A fortieth discovers the secret of her diseas by chance and eliminates it by eating Al Hashimi natural supplements
الإثنين فبراير 03, 2014 6:14 pm من طرف شهد الروح

» بابا نويل خواطر مبعثرة
الخميس يناير 12, 2012 7:34 am من طرف باهي

» الدوري المصري يشتعل
الخميس يناير 12, 2012 7:25 am من طرف باهي

» تقولك بحبك
الأحد أكتوبر 02, 2011 8:32 am من طرف سماالحب

» بحث عن نفسي
الأحد أكتوبر 02, 2011 8:20 am من طرف سماالحب

» عيد ميلاد سعيد أماسى
الإثنين أغسطس 22, 2011 5:42 pm من طرف اماسي

» ما شفتش يوم حلو معاك !!
الخميس أغسطس 18, 2011 9:22 pm من طرف باهي

» أوسطه مغفرة
الخميس أغسطس 18, 2011 6:21 am من طرف باهي

» عيد ميلاد سعيد باهي
الأربعاء يونيو 29, 2011 7:35 am من طرف باهي

» في القرآن ؟؟
الإثنين مايو 16, 2011 3:29 pm من طرف MOSTAFA_ABBAS

» مهندس كمبيوتر
السبت مايو 07, 2011 6:52 pm من طرف MOSTAFA_ABBAS

» لاتحزن
السبت مايو 07, 2011 6:49 pm من طرف MOSTAFA_ABBAS

» حول مقتل بن لادن
السبت مايو 07, 2011 6:48 pm من طرف MOSTAFA_ABBAS

» سيادة الرئيس المخلوع
السبت مايو 07, 2011 6:47 pm من طرف MOSTAFA_ABBAS

» عيد ميلاد نجم النجوم
الإثنين أبريل 18, 2011 12:21 am من طرف MOSTAFA_ABBAS

» الاعتداء في الدعاء
الإثنين أبريل 11, 2011 1:59 pm من طرف MOSTAFA_ABBAS

» يارب
الخميس مارس 24, 2011 6:27 am من طرف abrar

» قائمة العار
الثلاثاء مارس 15, 2011 3:42 am من طرف باهي

كلمات

الجهل نوعان :

1- (البسيط) وهوأن يجهل الانسان شيئاً وهو ملتفت إلى جهله فيعلم انه لا يعلم .

 

2- (ومركب) أن يجهل الانسان شيئاً وهو غير ملتفت إلى أنه جاهل به، بل يعتقد انه من أهل العلم به، فلا يعلم أنه لا يعلم .

ويسمون هذا مركباً ﻷنه يتركب من جهلين: الجهل بالواقع والجهل بهذا الجهل.  

 

بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
التبادل الاعلاني
احداث منتدى مجاني
pubarab
تصويت
هل تقبل النصيحة ؟
اقبلها بصدر رحب واشكر لها
60%
 60% [ 6 ]
اقبلها ولكن بشروط
40%
 40% [ 4 ]
اقبلها على مضض
0%
 0% [ 0 ]
لا اقبلها
0%
 0% [ 0 ]
مجموع عدد الأصوات : 10
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

قم بحفض و مشاطرة الرابط خواطر مبعثرة على موقع حفض الصفحات

قم بحفض و مشاطرة الرابط منتديات خواطر مبعثرة على موقع حفض الصفحات
القرآن الكريم

اذاعة القرآن الكريم

http://www.tvislamic.com/radio/radio-quran.htm

 

كل شئ عن القرآن - تفسير تلاوة نسخ حفظ 

 

http://quran.muslim-web.com/sura.htm?aya=001

 


شاطر | 
 

 هجرة الحمير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
abrar
الاشراف
avatar

عدد الرسائل : 1878
العمر : 55
المزاج : الحمد لله على كل شىء
تاريخ التسجيل : 18/11/2008

مُساهمةموضوع: هجرة الحمير   الأربعاء يوليو 21, 2010 12:35 am











أسعدنى خبر منشور بالجرائد المصرية بيقول :



إن اليابان تقدمت بعرض رائع للحكومة المصرية .. ألا وهو شراء مليون حمار مصرى .. لأن شركة دواء يابانية أكتشفت أن حمير مصر .. من أفضل حمير العالم .. وجلدها غنى جدا جدا بمواد وتركيبات يتم إستخدامها فى إنتاج وتركيب أنواع عديدة من الأدوية..
ماتعرفوش الحكاية دى فرحتنى قد أيه !! أولا لأن علاقتى بالحمير علاقة وطيدة وجيدة جدا كما تعلمون .. وأنا دائم الإعجاب والأنبهار بهم .. وتقدير دورهم الحيوى فى عالمنا العربى .. وثانيا إن العرض اليابانى أعاد الأعتبار لأى حاجة مصرية .. حتى لو كانت الحمير .. والظاهر إن الحمير هم كمان قرروا الهجرة من مصر .. ولكن بطريقة محترمة .. مش زى الشباب اللى بيهربوا من مصر إلى أوروبا عن طريق البحر بطرق غير شرعية .. بتنتهى غالبا بهروبهم من الحياة كلها... لكن الحمير قررت الهجرة بطريقة رسمية .. وتقريبا دبلوماسية عبر إتفاقات وبروتوكولات ..ودخولهم من الباب وليس من الشباك ... صحيح إن نهاية البيعة دى هو السلخ... لكن على الأقل حاتضمن إن السلخ حايعود بفايدة على البشرية .. مش بعد السلخ حاتتباع اللحم لفقراء العرب .. اللى عايزين أى حاجة يمضغوها غير العيش والفول .. المهم آهى حاجة مسلوقة أو مشوية .. وبتتمضغ .. وخلاص !!! .
أحضرت الآلة الحاسبة بتاعتى .. علشان أظبط الحسبة .. لقيت إن سعر الحمار الواحد والمعلن هو من 400-600 دولار ... ولو ضربناهم فى المليون حمار حايكون المتوسط 500 مليون دولار يعنى أكتر من 2.5 مليار جنيه مصرى حايدخل الخزانة المصرية ...ده طبعا إذا لم يحاول رجال الأعمال من ( نهازى الفرص ) النط على الصفقة ويحاولوا يبوظوها .. ويبحثوا لها عن عوامل تفشلها ... ويطالبوا أنها تكون زى إتفاقية الكويز مع إسرائيل .. يعنى نبيع الحمير زى مابنبيع الغاز المصرى بسعر رخيص .. والحجة الجاهزة هى العلاقات الأستراتيجية بيننا وبين اليابان .. وتشجيعا للتبادل التجارى بيننا وبين اليابان .. وإن اليابان حاتعيد لنا هذه الحمير بعد تدويرها .. بشكل عصرى كروبوت حميرية راقية بالريموت كنترول ... أو تدويره من حمار إلى حميّير صغير .. صوته هادى وناعم .. ولا ينهق بإزعاج .. وماياخدش مساحة كبيرة .. وممكن تطبقه وتحطه فى جيبك !! ولما تريد أستخدامه ماعليك سوى الضغط على الريموت كونترول .. فيرجع حمار عادى جدا بكامل هيئته ... ثم أنه لن يكلفك شيئا فى أكله وشربه وإقامته ..ولا تلويث للشوارع والبيئة ... بإختصار ستجد نفس الحجج والبراهين اللى قالوا لنا عليها لما تفضلوا وتكرموا علينا بإتفاقية الكويز بيننا وبين إسرائيل !! .. حول المنسوجات المصرية .. وكانت النتيجة زى ماالكل عارف دلوقت خسارة لعدد كبير من شركات الصناعات النسيجية .. ( العامة والخاصة ) والدليل إضرابات عمال النسيج المستمرة .. وإغلاق العديد من المصانع أبوابها ...
وحياة أبوكم .. وأمكم ياأخوانا .. شيلوا أيديكم من على الحمير .. وخلونا نقول آهو فيه حاجة نفعنا فيها وجابت نتيجة وأرباح .. مش خساير كالعادة ..
الله يرحم كاتبنا الكبير توفيق الحكيم .. فهو واحد ممن بجلوا الحمير وقدروها .. وألصق أسمه بالحمار فى كتابه ( حمار الحكيم ) .. وكان له حكايات وأحاديبث بينه وبين حماره .. وأخيرا خرج علينا المطرب الشعبى الحميرى ( سعد الصغير ) بأغنية بأحبك ياحمار !!
وكل ده تأكيدا لمكانة الحمار ومنزلته الرفيعة .. ومافيش حد حايلوم حمير مصر إذا تمت الصفقة .. على أمل أن حياة يوما واحدا فى بلاد اليابان الحضارية النظيفة ... أفضل مليون مرة من قرن كامل فى بلادنا وقرانا العربية .. فالأكيد أن الحمير مش حاتلاقى حد يعايرها بحميريتها ( مع أنها ميزة .. مش عيب ) أو يمنعوا عنهم وجبة البرسيم ..فى الوقت اللى بيعاير فيه الحكام شعوبهم بأنهم صرفوا كذا مليار على البنية التحتية ... وكذا مليار على الطرق .. وأن حكومته تدعم رغيف العيش بمليارات أخرى ... وعلى الأقل مافيش حد حايقول للحمار بأنه لايفهم فى الديمقراطية .. أو أن آداب النهيق تجبره على عدم النهيق فى حضور رئيس أو حاكم أو حتى زائر أجنبى وجهه أحمر ..
وحكاية الحمار العربى .. هى بالضبط حكاية المواطن العربى .. لاقيمة له فى بلده ... وأنا سعيد إن الحمير عرفت طريقها أخيرا .. وعلى الأقل حايستخرجوا منها أدوية وعقاقير حاتفيد الناس .. بدل مايرموا لحمها للكلاب ... وفى بلاد عربية كتيرة بيعملوها كباب وكفتة .. وريحتها على الشواية تشدك .. وتشرح قلبك .
مرة تانية بأحسد الحمير .. وأقولهم يابختكم .. ياسعدكم .. ياهناكم ياأصدقائى الكرام !! هاأنتم فى قلب آسيا النابض .. وتتعاملون مع شعب راقى وكريم .. حتى لو كانت إقامتكم معهم يوما واحدا ... وياريتكم تتوسطوا لنا عند اليابانيين علشان يحللوا جلودنا .. وأمعائنا .. يمكن يكون فيها أى مواد مفيدة .. تعطينا فرصة نعيش معاكم هناك .. ولو حتى ليلة واحدة .. بدلا من حياة كاملة عايشينها .. ونحن ندعوا ليلا ونهارا .. لإنهائها فى أسرع وقت .. بعد أن طفح بنا الكيل من كل ناحية ..وأنعدمت كل الآمال فى أى تحسن ..ولو طفيف !!
بقلـــــــــــــــم
صـــــلاح إدريــــــــــــــــس


هههههههههههههه
تعليقى عالموضوع
كنت فى السعودية ولاحظت حاجة غريبة كمية حمير لا حصر لها
ملهاش صاحب بترعى فى الشارع زى ولامؤاخذة الغنم عندنا
بصيت لها وقلت
مانكلم السلطات السعودية نعملهم عقد عمل عندنا
أفتكرت الموقف ده لما قريت الموضوع وضحكت
الحمار بقى له شأن عظيم
بقى بينزل فى حقه موضوعات
واتعملتله أغنية بحبك ياحمار
والله حيوان غلبان طول عمره حمال أسية
ومحدش راحمه
وعلى فكره زكى جدا رغم ان بينسبوا له اى حد غبى
وده مش صح
والدليل على كده أن كذا مرة بشوف عربيات كارو
محملة حاجات الصبح بدرى وصاحبها نايم
والحمار ماشى عارف طريقه
يبقى حمار أزااى ياناس
أرحموه الرحمة حلوة
وأنا والله مع هجرتهم خلينا نعرف قيمتهم
وبرضوا بحبك ياحمار

_________________
اللهم أنى استودعتك قلبى فلا تجعلنى أحب سواك
واستودعتك لا إله إلا الله فلقّنى أيّاها عند الوفاة
إاللهم إذا أساء إليّ الناس هبني شجاعة التسامح
وإذا أسأت أنا إلى الناس هبني شجاعة الاعتذار

آمـــــــين



[center]


:: أبرار ::[/center]
الرجوع الى أعلى الصفحة اذهب الى الأسفل
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: هجرة الحمير   الأربعاء يوليو 21, 2010 1:31 am

ياخبر ابيض
الحمي حتهاجر
فاضل ايه لسه ما سابش البلد
بس المشكلة دلوقتي فيه حمير لسه
حتفضل في البلد خصوصا الحمير المسئولة
برضه اليابان عاوزاهم ولا دول صحيح ما ينفعوش
خلاص صلاحية حميرهم راحت من زمان والمدة انتهت
طيب واحنا حنستورد حمير ميكانيكية الكترونية منهم
يعني اجيب حمار توشيبا مثلا او باناسونيك ولا حمار تويوتا
وبعدين برضه سؤال تاني هي الحمير كمان زعلانه من الحكومة
لدرجة انها حتهاجر ، والله ليها الفخر الحكومة حتى الحمير طفشتها
ولا تلاقي الحمير بتجري من مصيرها المحتوم لأن كيلو اللحمة ارتفع
سعره والناس بأت تدبح الحمير فهما طبعا قالك نستفيد بالين الياباني
وادينا حندخل في العلاج بدل ما ندخل بطون ومطابخ الناس وبعدين
جزارين مصر مفتريين كما هو معروف عنهم وجزارين بصحيح
اما جزارين اليابان برضه عندهم رحمة ، يعني ما غلوا الاسعار
للدرجة دي ، بس انا اعتقد ان بيع الحمار لازم يأتي من القمة الأول
يعني نبيع الحمير اللى قاعده على قلوبنا ومش عاوزه تتحرك دي
ونخلص منها ، اعتقد بعد كده مش حيبقى في مصر حمير تاني للبيع

موضوعك عسل ولسه حننهق فيه تاني
قصدي حنكتب فيه تاني وتالث ..

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
http://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
abrar
الاشراف
avatar

عدد الرسائل : 1878
العمر : 55
المزاج : الحمد لله على كل شىء
تاريخ التسجيل : 18/11/2008

مُساهمةموضوع: رد: هجرة الحمير   الأربعاء يوليو 21, 2010 12:18 pm

أتصدق صح الحمير قالتلك بقى أيه
نلحق ننفد بجلدنا
وكفاية اللى راحو مننا
بس تفتكر أستاذنا هياخدوا رأى الحمير
والا يمكن ساعتها يعملولهم عقود عمل وهمية العقد بالدولار كل حمار من دول يدفع الف دولار والا حاجة عشان يخرج بره مصر
بس ماهو برضوا تلات ارباعنا عايشين على أكل الحمير ولامؤاخذة
لما الحمير هتهاجر هيعملوا أيه دول
ساعتها بقى الكلاب هتغلى معلوم
أومال هيعملوا أيه
ماهو تلات ارباع الكلابجية يوووووووه أقصد الكبابجية عايشين بلحوم الكلاب والحمير
هيقلولك والنبى محدش يجيب سيرة للكلاب لكوريا تبعت تطلبهم
وساعتها هنضرب تفليسة جامدة وتبقى حكاية
ومش هيبقى قدامنا ساعتها ألا لحم البنى أدمين
ويجعلو عامر
نورت الموضوع يا أستاذى
بس بلاش كلنا هننهق فيه دى أحسن الحمير تزعل

_________________
اللهم أنى استودعتك قلبى فلا تجعلنى أحب سواك
واستودعتك لا إله إلا الله فلقّنى أيّاها عند الوفاة
إاللهم إذا أساء إليّ الناس هبني شجاعة التسامح
وإذا أسأت أنا إلى الناس هبني شجاعة الاعتذار

آمـــــــين



[center]


:: أبرار ::[/center]
الرجوع الى أعلى الصفحة اذهب الى الأسفل
الليالي الدافئه
الاشراف
avatar

عدد الرسائل : 585
العمر : 39
المزاج : عنيدة
تاريخ التسجيل : 18/01/2009

مُساهمةموضوع: رد: هجرة الحمير   الخميس يوليو 22, 2010 7:29 am

وانا كمان بقول بحبك يا حمار مع المطرب الشعبي سعد الصغير
ولله بيستحمل كتير حمال قسية ومن حقه يهاجر يعني هي جت عليه

_________________
الرجوع الى أعلى الصفحة اذهب الى الأسفل
باهي
مراقب عام
avatar

عدد الرسائل : 2409
المزاج : عال العال
تاريخ التسجيل : 20/02/2009

بطاقة الشخصية
الأول: 10

مُساهمةموضوع: رد: هجرة الحمير   الخميس يوليو 22, 2010 4:07 pm

اقتباس :
أسعدنى خبر منشور بالجرائد المصرية بيقول

111
11
11بقلـــــــــــــــم
صـــــلاح إدريــــــــــــــــس
أبرار
إيه الحلاوه دي
ربنا يكرمك
روحي ياشيخة
يكرمك في عينك وصحتك وولادك
قادر اكريم
أما موضوع الحمير جميل
ويجعل الواحد ينظر حوله
يشوف أيه عندنا الناس عايزاه واحنا مش عارفين
لان ممكن كوريا تطلب الكلاب
نؤعد بأه احنا من غير حمر ولا كلاب
مش معؤووول أبدا
أهو ده لي مش ممكن بدا
ههههههه
وحلوه حكاية التنهيق دي
خلتيني حاسس وانا بكتب كأني بن...... !1
وحاسس ودااااني مش عارف مالها شكلها بتطول
ههه
الرجوع الى أعلى الصفحة اذهب الى الأسفل
 
هجرة الحمير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات خواطر مبعثرة :: منتديات ترفيهية :: اضحك كركر أوعى تفكر-
انتقل الى: