منتديات خواطر مبعثرة
السلام عليكم ورحمة الله وبركاته ، ومرحبا بكم ، تسعدنا زيارتكم ، ويسعدنا أكثر تسجيلكم لتكونوا ضمن ورودنا.كل عام وانتم بخير

منتديات خواطر مبعثرة

منتدى ادبي اجتماعي ثقافي في قالب مرح
 
الرئيسيةمرحباس .و .جالتسجيلدخول
المواضيع الأخيرة
» هل من مرحب
الإثنين يونيو 02, 2014 2:47 am من طرف ايمان اصبيح

» أضغاث أحلام ...
السبت مارس 01, 2014 11:02 pm من طرف hussain alaswad

» A fortieth discovers the secret of her diseas by chance and eliminates it by eating Al Hashimi natural supplements
الإثنين فبراير 03, 2014 6:14 pm من طرف شهد الروح

» بابا نويل خواطر مبعثرة
الخميس يناير 12, 2012 7:34 am من طرف باهي

» الدوري المصري يشتعل
الخميس يناير 12, 2012 7:25 am من طرف باهي

» تقولك بحبك
الأحد أكتوبر 02, 2011 8:32 am من طرف سماالحب

» بحث عن نفسي
الأحد أكتوبر 02, 2011 8:20 am من طرف سماالحب

» عيد ميلاد سعيد أماسى
الإثنين أغسطس 22, 2011 5:42 pm من طرف اماسي

» ما شفتش يوم حلو معاك !!
الخميس أغسطس 18, 2011 9:22 pm من طرف باهي

» أوسطه مغفرة
الخميس أغسطس 18, 2011 6:21 am من طرف باهي

» عيد ميلاد سعيد باهي
الأربعاء يونيو 29, 2011 7:35 am من طرف باهي

» في القرآن ؟؟
الإثنين مايو 16, 2011 3:29 pm من طرف MOSTAFA_ABBAS

» مهندس كمبيوتر
السبت مايو 07, 2011 6:52 pm من طرف MOSTAFA_ABBAS

» لاتحزن
السبت مايو 07, 2011 6:49 pm من طرف MOSTAFA_ABBAS

» حول مقتل بن لادن
السبت مايو 07, 2011 6:48 pm من طرف MOSTAFA_ABBAS

» سيادة الرئيس المخلوع
السبت مايو 07, 2011 6:47 pm من طرف MOSTAFA_ABBAS

» عيد ميلاد نجم النجوم
الإثنين أبريل 18, 2011 12:21 am من طرف MOSTAFA_ABBAS

» الاعتداء في الدعاء
الإثنين أبريل 11, 2011 1:59 pm من طرف MOSTAFA_ABBAS

» يارب
الخميس مارس 24, 2011 6:27 am من طرف abrar

» قائمة العار
الثلاثاء مارس 15, 2011 3:42 am من طرف باهي

كلمات

الجهل نوعان :

1- (البسيط) وهوأن يجهل الانسان شيئاً وهو ملتفت إلى جهله فيعلم انه لا يعلم .

 

2- (ومركب) أن يجهل الانسان شيئاً وهو غير ملتفت إلى أنه جاهل به، بل يعتقد انه من أهل العلم به، فلا يعلم أنه لا يعلم .

ويسمون هذا مركباً ﻷنه يتركب من جهلين: الجهل بالواقع والجهل بهذا الجهل.  

 

بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
التبادل الاعلاني
احداث منتدى مجاني
pubarab
تصويت
هل تقبل النصيحة ؟
اقبلها بصدر رحب واشكر لها
60%
 60% [ 6 ]
اقبلها ولكن بشروط
40%
 40% [ 4 ]
اقبلها على مضض
0%
 0% [ 0 ]
لا اقبلها
0%
 0% [ 0 ]
مجموع عدد الأصوات : 10
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية digg  تسجيل صفحاتك المفضلة في مواقع خارجية delicious  تسجيل صفحاتك المفضلة في مواقع خارجية reddit  تسجيل صفحاتك المفضلة في مواقع خارجية stumbleupon  تسجيل صفحاتك المفضلة في مواقع خارجية slashdot  تسجيل صفحاتك المفضلة في مواقع خارجية yahoo  تسجيل صفحاتك المفضلة في مواقع خارجية google  تسجيل صفحاتك المفضلة في مواقع خارجية blogmarks  تسجيل صفحاتك المفضلة في مواقع خارجية live      

قم بحفض و مشاطرة الرابط خواطر مبعثرة على موقع حفض الصفحات

قم بحفض و مشاطرة الرابط منتديات خواطر مبعثرة على موقع حفض الصفحات
القرآن الكريم

اذاعة القرآن الكريم

http://www.tvislamic.com/radio/radio-quran.htm

 

كل شئ عن القرآن - تفسير تلاوة نسخ حفظ 

 

http://quran.muslim-web.com/sura.htm?aya=001

 


شاطر | 
 

 ضحك ولعب ووهم وحب .. مين يشتري ؟

اذهب الى الأسفل 
كاتب الموضوعرسالة
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: ضحك ولعب ووهم وحب .. مين يشتري ؟   الثلاثاء يونيو 15, 2010 12:09 am

عندنا شويه ضحك بنحب ننشرهم للناس يفرحوا بينا ويفرحوا بكلامنا ، عشان ما بنحبش الحزن يملا قلوبنا ولا قلوبهم . بنحب نضحك ونعشق الضحك ، عايشين حياتنا طولها وعرضها نضحك على كل حاجه حتى الحزن ، بنعرف نضحك عليه والضحك اجمل شئ اوعى يفوتك القطار بتاع الضحك حتى لو في عز حزنك .. اضحك .. ولو مش عتارف حنعلمك ازاي تضحك ونضحك معاك ويمكن نضحك عليك ، ونخليك تضحك علينا برضه ، ماهي كراسي موسيقية مرة نقوم ومرة نجري ومرة نقعد ولو ان مش كتير بنقعد
واوعى تروح عليك ضحكتك رغم كل النكد اللى مالى الدنيا ورغم كل الناس اللى بيحبوه ، بلاش تبيع روحك وقلبك للحزن واشتري شويه ضحك وعيش زي اي انسان كويس ، حتحرم نفسك منه ليه ، ولا احنا غاويين تعب ووشنا اترسمت عليه التكشيرة ، طيب بص على نفسك في المراية وانت مكشر .. والنبي ده شكل ؟؟


وعندنا شويه لعب وشقاوة وحلاوة واللى ما يشتري يتفرج ، لعب على الدقون ولعب على الناس نلعب عليهم ويلعبوا علينا شويه كده وشويه كده ماهي الدنيا العاب وانت وشطارتك تلعب على مين ومين يلعب عليك وتلعب ازاي على اللى بيلعبوا عليك وهما يلعبوا عليك ازاي .. فكر كويس انت بتلعب ولا هما بيلعبوا ، وياترى بتلعب صح ولا بتلعب غلط ، وهما بيلعبوها ازاي بفكر ولا بهبل ، لازم تعرف ، وساعة ما تعرف كويس يبقى حتعرف تلعب وتلاعب الناس اللى حواليك
عندنا شويه العاب ازاي تضحك على اللى عايزين يضحكوا عليك وازاي تلعب على اللى نفسهم يلعبوا عليك ، وازا تلعب وانت غالب أو وانت مغلوب
ازاي تخلي الناس يعملوا اللى انت عاوزه وكأنهم هما اللى بيلعبوها عليك ، وتخليهم يلعبوا بس في حدود امكانياتهم عشان يبقى لعبهم على قدهم وانت تتفرج وتعلب شويه برضه ما تسيب نفسك من غير لعب
العب على اللى بيلعب ، وما تسيب يوم لعبة كويسه الا وتلعبها عشان انت في الدنيا حاجه من اتنين لا لاعب ياملعوب عليك اختار انت

وعندنا شويه وهم .. اشتريناهم بشوية ايام وسنين من عمرنا ، الناس بتشتري الوهم بحياتها مش بفلوسها هما بيشتروا بفلوسهم حاجات تانية ، بس الوهم بيشتروه من حياتهم ، وتلاقي نص حياتهم وهم والمشكلة انه عارفين انه وهم وسراب ، ومع ذلك بيتشروه ، عارفين شويه الوهم اللى معايا لو وقفت على ناصية اي شارع من شوارع الحياة حتلاقي الناس عليه زحمة اد ايه ؟
الناس تموت في الوهم تحبه وتعشقه وتبني عليه قصور في الخيال وتعمل عليه شغلانه وتكبره لغاية مما يبقى مارد تشوفه تقول والله ده حقيقة مع انهم وهما بيشتروه بنقول لهم انه وهم لكن لما بيكبر بيصدقوه .
والناس بيصدقوا اوهامهم حتى اللى وحشه مش اللى حلوه وبس ، بيتوهموا انها عظماء وبيتوهموا انهم ماسكين رقاب الناس بيتحكموا فيهم وفجأة تضرب رؤسهم في الأرض بعد ما يقعوا ويحسوا انهم كانوا موهومين ، والمصيبة انهم بيدورا على وهم تاني يوهموا نفسهم بيه
مش قلت لكم شويه الوهم اللى عندي لو بعتهم حيجيبوا مبلغ كويس والناس حتتخانق عليهم عشان تشريهم

وعندنا حب
بس ده مش كتير ، عشان الحب دلوقت ما بقالوا سعر ولا ليه قيمة ، انا حتداري بالشوية بتوعي اللى معايا عشان محدش يشوفني ويكسفني ، ويقولي انت لسه معاك الحب ده ، خليه انا بس اللى فاهم قيمته
وعلى فكره
ده مش للبيع

_________________
[ندعوك للتسجيل في المنتدى أو التعريف بنفسك لمعاينة هذا الرابط]
اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://mostafa4all.3arabiyate.net
sixm2005
كاتب محترف
كاتب محترف
avatar

عدد الرسائل : 363
تاريخ التسجيل : 15/06/2009

بطاقة الشخصية
الأول: 10

مُساهمةموضوع: رد: ضحك ولعب ووهم وحب .. مين يشتري ؟   الثلاثاء يونيو 15, 2010 7:03 am

يا استاذ مصطفي هو انا ممكن اسال
هو انت فاتح المنتدي ده علشان تضحك علينا وتبيعلنا كل حاجه كده حتي الضحك ولعب وكمان الوهم
والله حرام حتي لما قلت تخيل انك معاك مليون دولار مسلمناش وصرفتهملنا واحنا قعدين
انا علي العموم حقدم شكوي لمجلس المنتديات ووزاره المنتديات ولو محصلش حاجه هروح لمجلس امن المنتديات اشتكي هو الواحد بس هيعمل ايه ولا ايه مش كفايه ان كل حاجه غليه لينا
وكمان نشتري الوهم
الرجوع الى أعلى الصفحة اذهب الى الأسفل
النّبع الصّافي
كاتب محترف
كاتب محترف
avatar

عدد الرسائل : 1330
المزاج : عاشـــقة
تاريخ التسجيل : 05/01/2009

مُساهمةموضوع: رد: ضحك ولعب ووهم وحب .. مين يشتري ؟   الثلاثاء يونيو 15, 2010 12:14 pm

هى الاغنيه كانت بتقول ضحك ولعب وجد وحب

الجد عندك اتحول لوهم يامصطفى؟.

طب والله ليك حق

طول الوقت الناس مكشره وبوزهم شمال ويمين وواخدين حبوب التلامه وبيقلولك اصلنا جادين

وطالبين القرب... بس من انفاسك نقبض عليها

خلاص سيبك بلا جد بلا يحزنون ويكتئبون
خلى اللى يحزن ويضرب اخماس فى اسداد في حالهم

خلينا في الضحك الحلو بتاعك واللعب والهزار والفرفشه والضحك اللى من القلب

شوف انا جاتلى فكرة من كلامك لما كنت بقرؤه

هاعتبر الحزن ده خشب الكرسي الـ انا قاعده عليه مثلا..
واللعب والهزار واللعب المسند اللى بحطه عليه واقعد واضحك على الحزن واتبسط

ومحدش واخد منها حاجه

الواحد لو حسبها شويه كده مع نفسه هايقول ماهى دنيا واهى خربانه خربانه

أقصد... اهى ماشيه بحزنى بفرحى ماشيه

وأنا أحزن واتعب نفسي والاخر الكل مبسوط ورايق وعال العال وكل اللى احصده خطوط فى الوش وكرمشه والسلام

طب ماافرد وشي واضحك انا كمان هو حرام عندى حلال عندهم

ان شاء الله ماحد حوش

صباح الفرفشه على قلوب الناس الحلوة اللى بتولد جوانا أحلى ضحكه

صباح العسل
الرجوع الى أعلى الصفحة اذهب الى الأسفل
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: ضحك ولعب ووهم وحب .. مين يشتري ؟   الأربعاء يونيو 16, 2010 12:49 am

sixm2005 كتب:
يا استاذ مصطفي هو انا ممكن اسال
هو انت فاتح المنتدي ده علشان تضحك علينا وتبيعلنا كل حاجه كده حتي الضحك ولعب وكمان الوهم
والله حرام حتي لما قلت تخيل انك معاك مليون دولار مسلمناش وصرفتهملنا واحنا قعدين
انا علي العموم حقدم شكوي لمجلس المنتديات ووزاره المنتديات ولو محصلش حاجه هروح لمجلس امن المنتديات اشتكي هو الواحد بس هيعمل ايه ولا ايه مش كفايه ان كل حاجه غليه لينا
وكمان نشتري الوهم
ابدا والله مش بابيع بس حبيت لو حد عاوز نديله يعني بس الوهم انا اشتريته ولما تدبست فيه حبيت ازحلقه على الناس وقلت ابيعه الظاهر اني كنت اخر المغفلين ، لكن ما تخافش فيه ناس كتير حتشتري مني وانا عارفهم
اما بخصوص المليون دولار حاقولك على مثل
واحد بيقول لصاحبه تخيل خروف بجنيه
قاله خروف كامل بجنيه واحد وده فين ده ؟
قاله مفيش .. بس تخيل
وانا قلت لك تخيل وانت تخيلت
ليك حاجه ياعم تاني
لكن ولايهمك ما يغلوش عليك
مش مليون
سكس مليون دولار بحالهم

_________________
[ندعوك للتسجيل في المنتدى أو التعريف بنفسك لمعاينة هذا الرابط]
اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://mostafa4all.3arabiyate.net
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: ضحك ولعب ووهم وحب .. مين يشتري ؟   الأربعاء يونيو 16, 2010 5:48 pm

النّبع الصّافي كتب:
هى الاغنيه كانت بتقول ضحك ولعب وجد وحب

الجد عندك اتحول لوهم يامصطفى؟.

طب والله ليك حق

طول الوقت الناس مكشره وبوزهم شمال ويمين وواخدين حبوب التلامه وبيقلولك اصلنا جادين

وطالبين القرب... بس من انفاسك نقبض عليها

خلاص سيبك بلا جد بلا يحزنون ويكتئبون
خلى اللى يحزن ويضرب اخماس فى اسداد في حالهم

خلينا في الضحك الحلو بتاعك واللعب والهزار والفرفشه والضحك اللى من القلب

شوف انا جاتلى فكرة من كلامك لما كنت بقرؤه

هاعتبر الحزن ده خشب الكرسي الـ انا قاعده عليه مثلا..
واللعب والهزار واللعب المسند اللى بحطه عليه واقعد واضحك على الحزن واتبسط

ومحدش واخد منها حاجه

الواحد لو حسبها شويه كده مع نفسه هايقول ماهى دنيا واهى خربانه خربانه

أقصد... اهى ماشيه بحزنى بفرحى ماشيه

وأنا أحزن واتعب نفسي والاخر الكل مبسوط ورايق وعال العال وكل اللى احصده خطوط فى الوش وكرمشه والسلام

طب ماافرد وشي واضحك انا كمان هو حرام عندى حلال عندهم

ان شاء الله ماحد حوش

صباح الفرفشه على قلوب الناس الحلوة اللى بتولد جوانا أحلى ضحكه

صباح العسل

صباح العسل ومربى الفراولة والا القشطة البيضا
مش كده برضه // مش اجمل من الجد .. يعني اخدنا
ايه من الجد او أيه تكشير .. ولا حبوب التلامة عجبتني اوي
انا عارف اخدنا ايه غير شوية قلق وارتفاع ضغط وكام
تكشيرة اكتر من كده وبصراحه كنا بقينا كراكيب سيبك انتي
مفيش اجمل من مربى الفراولة لما الواحد بياكلها وتسيب اثر
في شفايفه .. جربيها كده .. بلا جد بلا بطيخ

حاقولك على كلام جد شويه

ولا اقولك بلاش جد وخلينا كده اجمل

_________________
[ندعوك للتسجيل في المنتدى أو التعريف بنفسك لمعاينة هذا الرابط]
اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://mostafa4all.3arabiyate.net
ماريا
عضو مكافح
عضو مكافح
avatar

عدد الرسائل : 78
تاريخ التسجيل : 09/03/2009

مُساهمةموضوع: رد: ضحك ولعب ووهم وحب .. مين يشتري ؟   الأربعاء يونيو 16, 2010 8:43 pm

ما ادري ليش فهمت الموضوع غير كأنه دموع وحزن كبير ولا انا مخطئة سيد مصطفى
الرجوع الى أعلى الصفحة اذهب الى الأسفل
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: ضحك ولعب ووهم وحب .. مين يشتري ؟   الخميس يونيو 17, 2010 3:14 pm

ماريا
اجمل شئ في ان يكون من حولك هم مصدر سعادتك
وحتى لو كان من بين طياتك حزنا فأنهم سرعان ما
يبدلوه فرحا وضحكا ، انا نسيت في غمرة ما اضافه
كل من عقب على الموضوع نيت حزني من خلالهم
ومن خلال ما قالوه ، وضحكت على على هذا الحزن
ما اجمل ان يكون حولك اناس بهذ ه الرقة والقرب
يحولون الحزن الى سعادة وفرح بل والى ضحك
لاتهتمي كثيرا .. لم يبق شيئا مهما باقي حتى نحزن

_________________
[ندعوك للتسجيل في المنتدى أو التعريف بنفسك لمعاينة هذا الرابط]
اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://mostafa4all.3arabiyate.net
مُــنَــى
الاشراف
avatar

عدد الرسائل : 1318
العمر : 88
تاريخ التسجيل : 06/01/2009

مُساهمةموضوع: رد: ضحك ولعب ووهم وحب .. مين يشتري ؟   الجمعة يونيو 18, 2010 6:11 pm

اللللللللللله انا عاوزة اضحك واضحك والم الناس على ضحكتى مش صويتى
ههههههههههههههههههههههههههههههههههههههههههههههههههه


الواحد نفسه يضحك من القلب والله يااستاذى حتى لو على وهم

تعالى نلعب ونهزر ونملا الدنيا ضحك ولعب وعسل وبطيخ

ماله البطيخ

ده أحلى حاجه فيه ان الواحد بياكله عشان يسقع ويفرفش وينعنش وبعده الواحد بيتسطل ويكون ضاربها بطيخ على الاخر

يقلولك فى سموم فيه أمراض فيه مبيدات فيه مخدرات هاكله واكله برده


مفيش فايده .. ده الواحد بيستنى الصيف مخصوص عشانه وكنت زمان أسنانى بتوجعنى منه اتنازلت وعالجتها مخصوص عشان اعرف اكله

ولو حتى بالبذر شوفت ازاى؟؟؟؟؟؟؟؟؟؟

ههههههههه

وبعدين بمناسبة الوهم : نسيت عربية النقل بتاعة البطيخ اللى كنت ناويه ابعتهالك؟؟؟؟؟

يالا اهو محدش واخد منها حاجه وسلامى للضحك واصحاب القلوب الحلوة والبيضا

سلامى لأحلى نعنشه وفرفشه

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://mostafa4all.3arabiyate.net/forum.htm
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: ضحك ولعب ووهم وحب .. مين يشتري ؟   الجمعة يونيو 18, 2010 6:16 pm

والله كانت ايام جميلة بس برضه ما وصلتش العربية
وانا من ساعتها منتظر واقول يمكن تاهت في العنوان
أو اكلوها في الجمرك ، يالا زمان البطيخ اللى فيها خرب
ابعتي واحده تانيه بأه بس يكون على العنوان الجديد

_________________
[ندعوك للتسجيل في المنتدى أو التعريف بنفسك لمعاينة هذا الرابط]
اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://mostafa4all.3arabiyate.net
وردة
عضو نشيط
avatar

عدد الرسائل : 140
تاريخ التسجيل : 19/12/2009

مُساهمةموضوع: رد: ضحك ولعب ووهم وحب .. مين يشتري ؟   الأحد يونيو 20, 2010 12:58 pm

سأتكلم عن الجانب الاقرب لي من الموضوع وهو الوهم فالوهم شئ كبير في حياتنا وله مساحة من التفكير اقصد تفكيري طبعا وليس ضروري ان يكون هذا التفكير يفكر فيه الناس كلهم ولكن الوهم رغم انه شئ لايمثل الحقيقة الا انه جانب كبير من حياتنا وهو مكان جميل للهروب من الواقع الى شئ جميل حتى لو كان وهما
موضوعك رائع استاذ مصطفى ويمثل جانب من حياتنا بطريقة ساخرة ولكنها احيانا مؤلمة رغم انها حقيقية
الرجوع الى أعلى الصفحة اذهب الى الأسفل
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: ضحك ولعب ووهم وحب .. مين يشتري ؟   الإثنين يونيو 21, 2010 2:57 pm

هو فعلا مكان جميل للهروب من واقع مرير
ولو ان الاندماج كثيرا في الوهم يسبب الكثير
من الشقاء ولكن ما المانع اذاكان هو الوحيد
الذي نرى انفسنا فيه متحررين من قيود الواقع
يعني انتي حتشتري ياوردة

_________________
[ندعوك للتسجيل في المنتدى أو التعريف بنفسك لمعاينة هذا الرابط]
اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://mostafa4all.3arabiyate.net
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: ضحك ولعب ووهم وحب .. مين يشتري ؟   الإثنين يونيو 21, 2010 2:59 pm

طيب مين يشتري دي
ولو انها صعبة شويه
لكن معلش استسمحكم
************************


فيها ايه لما نستخبى من الشمس .. وننكرها

ونتعب من ضيائها

فيها ايه لما تموت الضحكة على شفايفها

فيها ايه لنا نقتل بهائها

نقتل كل حاجه جميلة ، ونغتال احلامنا

فيها ايه لما نتشاطر على أنفسنا بحجة ومن غير حجه

بمناسبة ومن غير مناسبة

عشان نبقى شايفين نفسنا احسن واكبر

حتى لو طحنّا بقية الدم في عروقنا .

فيها ايه لما نكابر ونعاند

ونقلب الحقائق

ونقول للشمس ما بتنوريش

ونقول للقمر ابعد ماتجيش ..

مش محتاجينك ولا عايزينك

فيها ايه لما تغيبي وتروحي

ورا الشوارع المستخبية

زي الوردة المستحية

خايفة على نفسك من الحب

كبرتي خلاص عليه ولا صغر عليكي ..

فيها ايه لما تعيشي وحيدة شريدة

تدوري على ايدي اللى كانت بتتمد ليكي

وما تلاقيها

فيها ايه لما ابات الليل سهران

لا بعّد نجوم ولا ببص على غيوم

لكن حزين مهموم

مش عارف حصل ايه ولا كل ده كان ليه ..

واقول يمكن الصبح اقابله وامنى نفسي اكتر بمعنى واضح

بكلمة منه تقولي ايه اللى دار بينك وبين قلبك

وايه اللى اتلف حوالين رقبتك

ولا مخليكي عارفه تمشي شمال ولا يمين

اقول حتقول على السبب حتبرر اللى عملته

وحتقول على العجب اللى مش عارف اوله من آخره .

فاكره اني مصدقك ولا خلاص لقيت نفسي من غيرك

ولقيت حريتي من غير قيدك ..

ولا فاكرة انك ارتحتي

وشربتي من الكاس اللى كنتي بتترجيه

ولا فاكرة اني تاني حرجع

بعد ما قطعتي كل حبالك ولغيتي

اتصالك باللى كان بيشجيكي



فيها ايه لما تمسحي اسمك من وشم ايدي

ولا تنزعي ريحتك من الدم في وريدي ..

ولا تنفضي بريدي

واجي كل يوم ما الاقي ريحتك ولا ضحكتك

ولما تحرمي نفسك من حناني ..

تكوني كده ارتحتي ؟ ..

يانسمة كانت بتبرد على قلبي حر الزمن

وكبر السن وجفاء الألم وبعد الوطن ..

اخدتيهم معاكي وفاكرة انك سايبه ذكرى حلوة

بعد ما قطعتي كل جذور الشجن

وزرعتي مكانها الالم والمحن



لو تفتكري ان الالم بيصيب الفريسة لوحدها

تبقى بتكذبي على نفسك

ولا تفتكري ان الاسف باين عليه وعلى قلبي

وتطمني في نفسك

ولا طيبة قلبي خيلت لك انك لما تقتليني حسامحك ..

تبقى واهيه والمرة دي قطعتي السكة

وما كانش ممكن يكون رجوع



خبي جرحك الأول قبل ما تشمتي في جرحي

وخلي قلبك يتحول عني لو تقدري تسامحي

وخلي عينك وروحك تنسى شكلي وملامحي

وهزي النخله يمكن

تطلع عليكي بحاجة بعد ما خلعيتها من ارضها

ودوري على قلب تاني اجمل من قلبي

وحب اكبر من حبي

لو لقيتي يبقى يحميكي ربي ويسعك

ولا تبصي وراكي احسن قلبك يقربك

خليكي زي ما انتي قالعة غيطان الحب من دنيتي

وخليكي زي ما انتي بعد ما كنتي فرحتي ..

خليكي دمعتي ..

واوعى تيجي تاني لسكتي

عشان كل ما افكر فيكي

احس انك اصعب طريق

مشيته في دنيتي

_________________
[ندعوك للتسجيل في المنتدى أو التعريف بنفسك لمعاينة هذا الرابط]
اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://mostafa4all.3arabiyate.net
 
ضحك ولعب ووهم وحب .. مين يشتري ؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات خواطر مبعثرة :: المميز :: الافتتاحية-
انتقل الى: