منتديات خواطر مبعثرة
السلام عليكم ورحمة الله وبركاته ، ومرحبا بكم ، تسعدنا زيارتكم ، ويسعدنا أكثر تسجيلكم لتكونوا ضمن ورودنا.كل عام وانتم بخير

منتديات خواطر مبعثرة

منتدى ادبي اجتماعي ثقافي في قالب مرح
 
الرئيسيةمرحباس .و .جالتسجيلدخول
المواضيع الأخيرة
» هل من مرحب
الإثنين يونيو 02, 2014 2:47 am من طرف ايمان اصبيح

» أضغاث أحلام ...
السبت مارس 01, 2014 11:02 pm من طرف hussain alaswad

» A fortieth discovers the secret of her diseas by chance and eliminates it by eating Al Hashimi natural supplements
الإثنين فبراير 03, 2014 6:14 pm من طرف شهد الروح

» بابا نويل خواطر مبعثرة
الخميس يناير 12, 2012 7:34 am من طرف باهي

» الدوري المصري يشتعل
الخميس يناير 12, 2012 7:25 am من طرف باهي

» تقولك بحبك
الأحد أكتوبر 02, 2011 8:32 am من طرف سماالحب

» بحث عن نفسي
الأحد أكتوبر 02, 2011 8:20 am من طرف سماالحب

» عيد ميلاد سعيد أماسى
الإثنين أغسطس 22, 2011 5:42 pm من طرف اماسي

» ما شفتش يوم حلو معاك !!
الخميس أغسطس 18, 2011 9:22 pm من طرف باهي

» أوسطه مغفرة
الخميس أغسطس 18, 2011 6:21 am من طرف باهي

» عيد ميلاد سعيد باهي
الأربعاء يونيو 29, 2011 7:35 am من طرف باهي

» في القرآن ؟؟
الإثنين مايو 16, 2011 3:29 pm من طرف MOSTAFA_ABBAS

» مهندس كمبيوتر
السبت مايو 07, 2011 6:52 pm من طرف MOSTAFA_ABBAS

» لاتحزن
السبت مايو 07, 2011 6:49 pm من طرف MOSTAFA_ABBAS

» حول مقتل بن لادن
السبت مايو 07, 2011 6:48 pm من طرف MOSTAFA_ABBAS

» سيادة الرئيس المخلوع
السبت مايو 07, 2011 6:47 pm من طرف MOSTAFA_ABBAS

» عيد ميلاد نجم النجوم
الإثنين أبريل 18, 2011 12:21 am من طرف MOSTAFA_ABBAS

» الاعتداء في الدعاء
الإثنين أبريل 11, 2011 1:59 pm من طرف MOSTAFA_ABBAS

» يارب
الخميس مارس 24, 2011 6:27 am من طرف abrar

» قائمة العار
الثلاثاء مارس 15, 2011 3:42 am من طرف باهي

كلمات

الجهل نوعان :

1- (البسيط) وهوأن يجهل الانسان شيئاً وهو ملتفت إلى جهله فيعلم انه لا يعلم .

 

2- (ومركب) أن يجهل الانسان شيئاً وهو غير ملتفت إلى أنه جاهل به، بل يعتقد انه من أهل العلم به، فلا يعلم أنه لا يعلم .

ويسمون هذا مركباً ﻷنه يتركب من جهلين: الجهل بالواقع والجهل بهذا الجهل.  

 

بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
التبادل الاعلاني
احداث منتدى مجاني
pubarab
تصويت
هل تقبل النصيحة ؟
اقبلها بصدر رحب واشكر لها
60%
 60% [ 6 ]
اقبلها ولكن بشروط
40%
 40% [ 4 ]
اقبلها على مضض
0%
 0% [ 0 ]
لا اقبلها
0%
 0% [ 0 ]
مجموع عدد الأصوات : 10
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية digg  تسجيل صفحاتك المفضلة في مواقع خارجية delicious  تسجيل صفحاتك المفضلة في مواقع خارجية reddit  تسجيل صفحاتك المفضلة في مواقع خارجية stumbleupon  تسجيل صفحاتك المفضلة في مواقع خارجية slashdot  تسجيل صفحاتك المفضلة في مواقع خارجية yahoo  تسجيل صفحاتك المفضلة في مواقع خارجية google  تسجيل صفحاتك المفضلة في مواقع خارجية blogmarks  تسجيل صفحاتك المفضلة في مواقع خارجية live      

قم بحفض و مشاطرة الرابط خواطر مبعثرة على موقع حفض الصفحات

قم بحفض و مشاطرة الرابط منتديات خواطر مبعثرة على موقع حفض الصفحات
القرآن الكريم

اذاعة القرآن الكريم

http://www.tvislamic.com/radio/radio-quran.htm

 

كل شئ عن القرآن - تفسير تلاوة نسخ حفظ 

 

http://quran.muslim-web.com/sura.htm?aya=001

 


شاطر | 
 

 مذكرات مسطوووول

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: مذكرات مسطوووول   السبت مايو 22, 2010 3:59 pm

كل واحد فينا ليه ايام وساعات معينة بيشعر فيها انه بيتصرف زي المسطول ، مش مهم يكون الانسان بعيد عنكم شارب حاجه استغفر الله ، لكن ممكن يحصل له ويعيش في مشاعر المساطيل واحوالهم وحتى ممكن يكون ده نتيجة ارهاق مثلا او دوخة راس او اي حاجه كده من الهيؤات الغريبة
بعد كل فصل من فصول الحياة اللى بتكلم عليها بيكلم الانسان نفسه يقول هو انا ايه مسطول أو حد بينبهه ، يابني اللى بتعمله ده تصرفات مساطيل او ناس دايخه ، والله بتصل لنا كده
انا عملت الذكريات دي عشان نتكلم عن الفترات الغريبة دي اللى بنمر بيها او بيمر بيها اللى حوالينا من حركات او تصرفات او فصول ساعتها لما بنشوفها بنقول عليها تصرفات مساطيل

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
https://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: مذكرات مسطوووول   السبت مايو 22, 2010 4:07 pm

بلاحظ حاجه غريبة حبيت احكي لكم عنها ، من كام يوم حسيت بالماوس بتاعي عمال يكبر شويه شويه ، سألت نفسي مرة وانا قاعد في قعدة تجلي هو الماوس بيكبر ليه وقعدت ابص عليه واقوله مالك عمال تكبر بيقول لي مانا بكبر عشان تقدر تمسكني كويس وتحركني على الشاشة ، قلت له بلاش استعباط قولي السبب ايه ، مش عاووز يقول
من فترة قعدت اسأل نفسي وانا بابص عليه ، يكونش اللب اللى بحطه جنبي عشان اتسلى هو السبب ، وانا برضه باقول هو اللب عمال ينقص كل شويه وانا شغال وبكتب ومندمج ولا واخد بالي ، تلاقي الماوس بيساهيني وانا بكتب ومنسجم وبياكل اللب ، أه ممكن حتى ساعات بلاقي القشر كبير اوي ومش هو ده اللى انا اكلته بالضبط
عجيبه بس اللى مش بيكبر بالشكل ده ، طيب يكونش المج بتاع النسكافيه اللى بحطه قدامي وانا بشتغل ، وانا برضه بقول كل ما اجي اشرب منه الاقيه ناقص ، عجيبه والله بس الماوس مش بيحب النساكافيه انا سمعت ان الماوسات بتحب الكابتشينوا اكثر وكمان النسكافيه اللى بشربه بيكون 3 في واحد والماوس بتاعي عنده بعيد عنكم سكر يعني مش حيشرب النساكفيه اللى فيه سكر احسن يرتفع عنده السكر وتلاقيه دمه خفيف ويقعد يذلني على اني دمي تقيل وهو العكس .
امال بيكبر من ايه ، مش يمكن من البسكوت اللى بحطه جنب الماوس وانا بكتب ، بس الماوس مش بياكل البسكوت الدايجستيف لأنه مش بيعلم ريجيم هو بيحب البسكوت المحشي فراولة .
مش حاجه تحير دي والنبي
محدش فيكم يعرف الماوس بتاعي بيكبر ليه ، تصدقوا انا خايف يبقى اكبر من الكمبيوتر نفسه
وساعتها ما اقدرش اكلمه ولا حتى احركه ده حيبقى مجتاج جهد كبير عشان انقله من مكان لمكان
وياترى اسيبه يكبر كده ولا اضع حد للموضوع ده
ولا تفتكروا اشتري ماوس جديد يكون ضد التمدد
مش عارف
فكروا معايا
بس اوعوا تقولوا ده مسطول
لا بجد
تصدقوا بقيت اخاف من الماوس
وعلى فكره انا حاطه بعيد وانا بكتب
احسن يعرف اني بكتب عنه
سلام يا اجدع ناس

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
https://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
الليالي الدافئه
الاشراف
avatar

عدد الرسائل : 585
العمر : 40
المزاج : عنيدة
تاريخ التسجيل : 18/01/2009

مُساهمةموضوع: رد: مذكرات مسطوووول   السبت مايو 22, 2010 5:50 pm

ولاه تخاف ولاه جاحة اقولك علي وصفة حلوة وسهلة
انت تفتح باب بيتكم وتنزل وتدور علي اي قطة تحت اي عربية
او حتي تحت سيارتك انت وتحطها امامك علي الكمبيوتر بدل اللب والنسكافيه والبسكويت اللي بيلموا الماوسات عليك
وبعدين شوف النتيجة هتلاقي الماوس بيصغر والقطط بتكبر
لو حصل ده معاك قولي وانا هلاقيلك مخرج تاني
بأذن الله من كبر القطط
وناوناو ناوناووووووووووووووووو

_________________
الرجوع الى أعلى الصفحة اذهب الى الأسفل
sixm2005
كاتب محترف
كاتب محترف
avatar

عدد الرسائل : 363
تاريخ التسجيل : 15/06/2009

بطاقة الشخصية
الأول: 10

مُساهمةموضوع: رد: مذكرات مسطوووول   الأحد مايو 23, 2010 4:18 am

انا شايف ان افكار ليالي افكار مساطيل فعلا
بس نفسي اعرف هي جابت الفكره دي منين
ملعوبه فعلا
علي العموم القطط بتنفع مع الماوس وكمان تنفع لما الواحد يشك ويحس ان الفار بيلعب في عبه
ههههههههههههه
الرجوع الى أعلى الصفحة اذهب الى الأسفل
باهي
مراقب عام
avatar

عدد الرسائل : 2409
المزاج : عال العال
تاريخ التسجيل : 20/02/2009

بطاقة الشخصية
الأول: 10

مُساهمةموضوع: رد: مذكرات مسطوووول   الأحد مايو 23, 2010 5:57 am

إيه الحكايه دي ياجماعة
موس بيكبر
وهانجبلوا قطط تصغره
والقطط تكبر
نجبلها أيه يصغرها ويكبرهوهه
إيوه
هوهو
صح الكلام ؟؟
أنا حاسس راسي تقيلة وبصيت علي الفاره ليقيتها قطة
لا لا أنا رايح أنام تصبحوا علي خير
يبدوا اني اتسطلت علي الريحة
الرجوع الى أعلى الصفحة اذهب الى الأسفل
النّبع الصّافي
كاتب محترف
كاتب محترف
avatar

عدد الرسائل : 1330
المزاج : عاشـــقة
تاريخ التسجيل : 05/01/2009

مُساهمةموضوع: رد: مذكرات مسطوووول   الأحد مايو 23, 2010 3:15 pm

والله انا بقول آخرى على ايد المنتدى ده... انا جيت مدام الحكايه فيها سطله ومزااااج

أحلى مزاج لأحلى ناس فى المنتدى والحقيقه الواحد مش محتاج يشرب أأأأاى حاجه عشان يتسطل فى الدنيا.. اظن كفايه عودام السيارات والمصانع

أقولكم سر خطير اوى

بحب أقف ورا عند السيارة واشم الروائح وبعدها ...... أدوخ

واسمعوا بأه احلى كلام بعدها مني..

انت عارف يامصطفى... بحس ان باكل الريحه بتاعة البنزين

طب ايه رأيك مش مزاج


.......


جيالكم تانى ويانى يانى مش هاعمل كده تانى

المذكرات معانا طويله ع الاخر

صباح الفل
الرجوع الى أعلى الصفحة اذهب الى الأسفل
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: مذكرات مسطوووول   الإثنين مايو 24, 2010 5:04 pm

انتو ضربتوا حجرين ولا شميتم شويه ملوخيه ناشفه
صحيح هي اللحمة وصل سعرها لكام دلوقتي في مصر
اصلي ناوي لما انزل في الاجازة مكلش لحمة خالص
الأول الجزم في مصر غليت اوي بقينا نجيب جزم من
الكويت بعد ما كنا بنجيبها من مصر وكمان اخوانا
الكويتيين كانوا بينزلوا مصر يشتروها من هناك دلوقتي
العكس والظاهر اللحمة برضه حنجيبها من لندن حتلاقوها
ارخص ما هي في اسطانبول والله ما حد عارف السمك ملوث
من ايه ياترى من الدخان ولا من السجاير وكمان علبة السجاير
دلوقتيي بأوا يحشوها رز وخلطه ال ايه عشان ما تكونش فيها
قطران كتير والقطران بيستعملوه دلوقتي عشان يسفلتوا بيه
الشوارع مع ان الناس عمله تشربه الظاهر بيسفلتوا مخهم
وكمان بيقولوا ان فيه في مصر دلوقتي شويه هوا سخنين
مع ان محدش قال لنا انهم حيحموا ابو الهول ومسخنين ميه
من هضبة الاهرام طالع الصهد واصل لغاية وسط البلد
وبيقولوا ان فيه مواسير مجاري شغاله اليومين دول
على الميه بتاعة الشرب ، حتى القلوب عملوا لها مجاري
وبأت تنزل بعيد عنكم ميه وحشه ، بعد ما كانت قلوب
جميلة ، اصبحت تكتب كلام ريحته وحشه تقول ايه بأه
ده من تأثير الذرة على الناس قال ايه مالقوش في الورد عيبة
قالوا له يا احمر الخدين ، والمشمش طالع زي العسل
وخدوده حمرا تقول قطيفه ، وعماله الناس تاكل منه
ما تخلو شويه عشان رمضان امال حنعمل قمر الدين بايه
ولا اقولكم اعملوه بالملوخية ، اه صحيح شميتم ملوخيه
وطلع طعمها ايه ، بتقلية ولا من غير اصلها تفرق التقلية
والله الواحد ما بقى عارف يعمل ايه مع الناس يقفل الباب
ولا يفتحه ولا يواربه ، ايه خلي الرقعة ترعى ، وعلى رأي
المثل الراجل التركي اشترى شويه قلل ال ايه عشان ينشر
افكاره الوحشه على الناس ويملا القلل ميه مسممة ماهو حتى
الافكار اتسممت مش القلوب بأت وحشه اشمعنى الافكار مش
حتتسمم ، ياعم ما تسعجلش ايامك كلها كام شهر وتودع وما يبقى
لك غير المعروف ، وده معروف من سنين بس انتم مش واخدين
بالكم ،اظن واضح الحديث واللى ما يشترى يتفرج
المرة الجاية يا بيبي لو ما اتلميت حاقول للناس كلها انت
كنت بتعمل ايه لما كنت صغير ، واوريهم صورتك وانت
قاعد على البتاعة دي وبتعمل زي الناس ، يووووه برضه مجاري
اه وافضحك بأه خصوصا وانتي بتعبي في مناخيرك وبتطلعي ؟؟
مش عارف ليه زوري ناشف ودايخ ، الظاهر من الملوخية الناشفة
بقالي اسبوع عمال ابلع فيها بس طعمها غريب شويه ، صحيح اشوف
مكتوب على الشوال بتاعه تاريخ الصلاحية احسن يكون خلص وانا عمال
ايه ده ؟ يانهار ابيض دي مش ملوخيه ، الحق ، ده مكتوب على الشوال
بانجــــــــــــــــــــــو
يالهوي ازوغ انا قبل الكبسه ما تيجي أما انت يابيبي ليك روقه بس افضى لك

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
https://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
وردة
عضو نشيط
avatar

عدد الرسائل : 140
تاريخ التسجيل : 19/12/2009

مُساهمةموضوع: رد: مذكرات مسطوووول   الأربعاء مايو 26, 2010 12:06 pm

ما ادري شلون اضحك على ترتيباتك المرحة ولكن الكلام يخرج منك بشكل عجيب انا استمتع فقط ولكني لا استطيع ان اكمل ما انت تبدأه خصوصا بهذه الكيفية فأقف موقف الجالس في هذه المسرحية الكوميدية الهادفة واصفق كثيرا لأستاذي لذي يملأ الدنيا بهجة وحكمة
الرجوع الى أعلى الصفحة اذهب الى الأسفل
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: مذكرات مسطوووول   الأحد مايو 30, 2010 5:17 pm

اشكر الورد التي انتي من باقتها
على كلماتها الرقيقة ، هو مشهد هزلي فقط
اريد من خلاله ان اقول كلمة معينة ربنا تصل
وربنا تتوه مع الفاظ الضحك
تقبلي خالص تحياتي

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
https://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: مذكرات مسطوووول   الأحد مايو 30, 2010 5:27 pm

امبارح افتكرت نكته الناس المساطيل اللى كانوا قاعدين يحششوا
لما جت لي رسالة من شخص غريب الاطوار والرسالة بيضا
مفيش فيها ولا كلمة ، قلت ايه الحكاية الظاهر مأموص مني ومش
عاوز يكلمني قام بعت لى رسالة فاضية ، بس والله دمه شربات وقعدت
اضحك فكرني بالراجل اللى كان مخاصم اخوه بعت له صورته وهو
متصور ومديه ضهره ماهو زعلان بأه بس حكاية صفحة بيضا صعبة
مش طبيعية الظاهر عاوز يفتح صفحة بيضا جديدة مع نفسه بأه مش معايا
خلينا في الناس المحششة كانوا قاعدين قعدة حلوة وفجأة
واحد نط وقال لهم احقو كبسة سامع صوت بوليس انتم سامعين قالوا له :
سمعين ثمانين تسعين
راح مصرخ فيه وقال لهم الظاهر زنأونا قالوا له :
زنأونا سنة تانية سنة تالتة
المهم الشرطة قبضت عليهم وهما في البوكس قالهم لوفيه تحقيق محدش يجيب سيرتي قالوا له
سيرتي .. فورتي .. فيفتي ..

والله ناس فايقة .. رايقة .. مش متضايقة زي اصحابنا

هو ايه الحكاية محدش فايق هنا ؟

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
https://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
الليالي الدافئه
الاشراف
avatar

عدد الرسائل : 585
العمر : 40
المزاج : عنيدة
تاريخ التسجيل : 18/01/2009

مُساهمةموضوع: رد: مذكرات مسطوووول   الأحد مايو 30, 2010 9:07 pm

مين بينده علي الناس الفايقة ؟
هو احنا متقابلناش قبل كده ؟
لا ولله محصليش الشرف
بس انا متأكد اني شوفت الوش ده قبل كده
لأ ياعمي ولله انا ما اعرفك ؟
طيب انت طبق الاصل مني اوي كده ليه؟
فين ده انت مين يا عم انت ؟
طيب مالك بتيجي معايا يمين وشمال كده ليييييييه؟
يا انت خنيق ولله انا همشي من وشك احسن
وفجأة صاحبنا الفايق لاقه كل كف ايده دم؟؟
تفتكرو الدم ده جه من اييييييييييييييييييييييييييييية؟؟
ومساء الفل

_________________
الرجوع الى أعلى الصفحة اذهب الى الأسفل
sixm2005
كاتب محترف
كاتب محترف
avatar

عدد الرسائل : 363
تاريخ التسجيل : 15/06/2009

بطاقة الشخصية
الأول: 10

مُساهمةموضوع: رد: مذكرات مسطوووول   الإثنين مايو 31, 2010 4:07 am

لا لا ده مش دم ده من الشربات الاحمر الي بيخر من كلامك
عسل
الرجوع الى أعلى الصفحة اذهب الى الأسفل
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: مذكرات مسطوووول   الإثنين مايو 31, 2010 4:34 am

ده اكيد ياليالي كان باصص على نفسه في المراية الراجل السطل ده والنبي عسل

اما الشربات بأه يا سيد مختار هو دمك يعني حتروح فين ماهي وراثة برضه
يعني نفس الفصيلة تقريبا

المهم كان لي زمان مشوار غريب شويه لدار الأوبرا وشفت عجايب ، خلانس انسطلت زيادة
المشكلة انك ما تقدرش تمر من باب الاوبرا الا لو كنت لابس بدلة كاملة وكرافته ومسألة الكرافته
دي ضروري اوي والا ما تدخلش معرفش ليه ، المهم لبسنا ورحنا وشفنا ايه ، ايه ياواد يامصطفى
نسوان ياخويا قاعدين يصرخوا كأنهم انضربوا بالسكاكين في بطونهم ويقولك دول سوبرانو قلت
سوبرانوا ايه ياعم الحاج ده نوع مسحوق غسيل والا ايه ، وده ايه ياخويا ده لوتوماتيك ولا عادي
يقولك سوبرانوا ياعم الناس حتطلع اللى في بطنها ، انا عملت نفسي معجب بأه ومثقف امال يقولوا
عليه متخلف وعملت نفسي مستمتع بالصوت السوبرانوا وانا من جوه بايظ وخلاص حارجع ، بس ربكم
ستر ، خلص السوبرانوا وجت الاوبرا اللى داخلين عشانها واشتغلت الموسيقى بصراحه الموسيقى هايلة
ده تشايكوفسكي حبيبي ودي سوان ليك يعني بحيرة البجع بس شفت عجب برضه البنات لابسين مايوهات
والرجالة المقرفين طبعا لابسين بنطلونات ، مش عجيبه دي والنبي ما تقولوا حاجه احسن ده فن واوعى
حد يغلط في الفن بس استغربت اشمعنى في الالعاب الاولمبية برضه تلاقي المتاسبقات لابسين مايوهات
وفانيلات بحاملات والرجاله لابسين شورتات طويلة ، وكمان بتوع الجمباز ، يالهوي على بتوع الجمباز
ويقولك رياضة يعم ايه السطل دي ، الغريبة في البلاد الغربية انهم عايشين حياتهم بطريقة عجيبة الست
عندهم عاملة زي علبة الكبريت كل شويه يفتحوا العلبة ويولعوا عود ويرموه وعندنا الستات لما تقول لهم
اقعدوا في بيوتكم يقولوا لك عاوزنا الحريم بتوعكم طيب اطلعوا بأه والبسوا مايوهات عشان تبقى رياضيين
وكمان فنانين ، واطلعو على اعلانات السجاير والمشروبات الروحيه ، هما صحيح سموها روحيه ليه مش
هي دي بتاعة روحيه اتخطفت ، وفي الآخر يقولك فن انا طبعا مش ضد الفن خصوصا بعد تصريح عادل
امام الغريب اللى قال فيه احنا معندناش ستات تمثل وتعمل المسخرة دي وتقف تبوس رجاله غرب قالوا له
مانت نازل بوس في ستات العالم قال لهم كل واحده اتباست اخدت حقها وحق البوس محدش ليه عندنا حاجه
شوفتم اهو عادل امام بنفسه اهو مش انا ، وفي الآخر يقولك هو انا بأكل ولادي من حرام امال ياعم ما تخلي
بنتك ولا مراتك تمثل يقولك لأ ، ما هو الحلال بين والحرام بين ياناس بس تقولوا لمين والنبي شكلي حتمسك
وانضرب لغاية ما يبان لي صاحب عموما فتكوا بعافية والله يعطيكم العافية على رأي دريد لحام في فيلم جعلوني
هو كان جعلوني ايه ، الظاهر الحجرين بتوع انهارده جعلوني نائمة .. تصبحوا على خير

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
https://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
النّبع الصّافي
كاتب محترف
كاتب محترف
avatar

عدد الرسائل : 1330
المزاج : عاشـــقة
تاريخ التسجيل : 05/01/2009

مُساهمةموضوع: رد: مذكرات مسطوووول   الإثنين مايو 31, 2010 4:51 pm

تصبحوا على خير ومساء الخير على الصبح بالليل

شوف انا صاحيه من شويه من بعد نوم يوم كامل يعنى شميتلى حبة بن وجيتلكم

ايوة بن مستغربين ليه امال فاكرين هاشم الحاجات الوحشه بتاعة المساطيل دى؟؟.........


لالالالا ده انا فايقه ورايقه وسهرانه ونعسانه ودماغى زى الفل

بمناسبة دماغى انا عاملالها حبة صهلله...... وسهرة كده عازماكم فيها

آل ايه دماغى قالتلى ياأخت ياصافي خرجينى شويه من راسك عشان اظبّط نفسي لاحسن جيبتيلى وجع وخنقه

طلعت دماغى جانبي تقعد على الكرسي واحترمتها آآآآآآآخر احترام

وقلتلها ياست دماغى مالك

قالتلى مالىى............. انتى ماتعرفيش نفسك ولا تعرفي بتعملى فيّه ايه.. ارحميني بأه انا ايه اللـ خلانى ابأه دماغك انتى بالذات عن دون الخلق

قلتلها حكم ربنا يست الهانم معلش أمرك لله استحميلينى مانا مستحمله شحناتك في راسي

قالتلى انتى برضو اللى متحملانى امال انا اقول واعيد ايه عليكى انتى خنقتينى .. تفكير تفكير صبح وليل ايه مابتزهقيش ورّمتينى لحد مابئيت بلونه فى راسك

قلتلها اه والنبي وانا اقول راسي كبرت من ايه.. بأه انتى السبب يادماغى

أيوة انا السبب ولو عرف السبب بطل العجب .. اجرى جيبيلى علبة مية تلج ومناديل واعمليلى كمادات ينوبك ثواب كفايه الولعه اللى بتولعهالى فاكرانى بوتوجاز شغاله تفكير وكلام وكتابه .. ماتغلى حد غيرى هو انا خدامه عندك

نفسي اهرب منك واخلص يادى العقل وسنين العقل

قلتلها طب طب ماتزعلى انا اللى غلطانه والنبي شكلك سخنه ومولعه وقعدت اعملها ياخواتى كمادات الاّ عشان تهدى او تتهد مفيش فايده برضو قاعده تهلوس

أعمل فيها ايه ديّه بس انا بقول اركنها على جنب واحط علبة بيبسي احسن يمكن ماافكر وارتاح

سلامو عليكم

ماقلتليش يامصطفى انا وراثه ايه؟؟
الرجوع الى أعلى الصفحة اذهب الى الأسفل
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: مذكرات مسطوووول   الثلاثاء يونيو 01, 2010 3:17 am

الوراثة دي جايه من نظرية داروين وقوانين مندل اكيد عارفاها يعني لما الأب يكون بعرور ، وبعرور في اللغة يعني مش بياخد باله من حاجات كتير زي الزوج البعرور برضه اللى مطنش وسايب الناس حواليه من كل حدب وصوب يشموا زي ما بتقولي هو انتي كنتي بتشمي ايه اه صحيح بن هو ممنوع ولا بتشمي نوع معين من البن وياترى هو برازيلي ولا مكسيكي زي المسلسلات اياها ، لما خوليو صحي من النوم سأل عن مراته لقاها مع جارتها سأل العيال عملتوا ايه ياولاد صاحيين من الصبح ياترى اصطبحتم ، العيال ردوا عليه قالوا له كل واحد اخد النفسين بتوعه وعملنا اصطباحة مزاج عالي من الحتة اللى لقيناها في جيبك امبارح وانت نايم ، وبعدها الراجل اتزرزر وقالهم سرقتوا التعميرة باولاد المكسيكيين العيب مش عليكم العيب على امكم اللى طول النهار من بيت اشقع لبيت ارقع وقاعده ليل نهار على النت حتطلعوا لمين يعني على رأي المثل اكفي القدرة على فمها يقع الفول منها
شفتي ياصافي الوراثة جايه منين حبيت بس اشرح لك نظرية عبد السميع والحاج محمود في الوراثة والحاج محمود ده اللى اخترع القطرة اياها ، يووووووه حتنسيني جارتنا السورية الصبح بدري لقيتها واقفه وانا نازل رايح الشغل وقلت لها صباح الخير يا منجه قالت لي صباح الخير يافراولة ، قلت لها الفراولة دي اللى على شفايفك ياجميل وصابحه الصبح موردة وزي دم الغزال الولية ساحت وراحت في دنيا تانية ، وفجأة انفتح الباب وراها وخرج الباشمهندس وصبح علينا ده جوزها ، ومشى وسابنا ، تصدقي افتكرته حيضربني اتاريه تقريبا شامم بن من نفس النوع اللى بتشميه اللى هو بيدوخ وتلاقيه نسى اصلا انها مراته ، ويمكن كمان نسى اني جارهم
شفتي البن بيعمل ايه ، وتقولي لي بتشمي بن ، انا بشم قهوة علي ، ومسمينها قهوة على ليه بأه عشان على ده ابن الحاج حسن اللى هو اصلا بتاع الفول وكان الواد طالع شبه الحمار اللى بيجر عربية الفول والمصيبة ان الراجل اتهم مراته بأنا كانت بتتوحم على قرد والواد طلع شبهه شفتي اهي دي برضه من آثار الوراثة وتقولي لي اشتراكية
مين بس اللى جاب سيرة الديموقراطية ، هو انتم طابخين اي مادة في الدستور ولا اتفاقية الطفل ، بتاعة الامم المتحدة ياعم مختار والنبي تقولها يعني ايه وراثة احسن نسيت كل الى درسته

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
https://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
sixm2005
كاتب محترف
كاتب محترف
avatar

عدد الرسائل : 363
تاريخ التسجيل : 15/06/2009

بطاقة الشخصية
الأول: 10

مُساهمةموضوع: رد: مذكرات مسطوووول   الأربعاء يونيو 02, 2010 7:29 am

اه طبعا انا اقلك هي ورثه ايه
شوف ياريس هي كده اكيد هتكون ورثه وحتي لو ورثه وماله مش عيب كمان
الورث في الحلم نصره ان شاء الله
والواحد لو وثه تفتكر هيورث ايه غير الحجات الي الناس بتورثها
انا اعرف اثنين ورثو ورث عملهم دماغ جمده اوي ودلواتي لو شفتهم بسم الله ماشاء الله عقبال الجميع كده
وعندي جيران ورثين حلت محشي نزلين فيها اكل طول اليوم ولا هممهم حاجه وبيروحو الشغل والعيال بتروح المدرسه في عربيه نص نقل عادي جدا
وبعدين الورث ده كان زمان ايام الزمن الجميل فييييييين
مش ورث دلواتي كان الواحد ياخد الورث ويبات معاه للصبح وبعدين كان اصلي مش مضروب بحنه
انا اعرف واحد خلص كل ورثه علي الاهوه والتاني خلصه في سجرتين
دلواتي الزمن اتغير وطلعولك في ورث لما تشوفه تقول ده ملوخيه بس نشفه
المشكله مش في الورث بتاع زمان ودلواتي المشكله ان الحكومه ورثه كل حاجه ده حتي الحكم بيقولك
ولا ياعم بلاش
الرجوع الى أعلى الصفحة اذهب الى الأسفل
الليالي الدافئه
الاشراف
avatar

عدد الرسائل : 585
العمر : 40
المزاج : عنيدة
تاريخ التسجيل : 18/01/2009

مُساهمةموضوع: رد: مذكرات مسطوووول   الأربعاء يونيو 02, 2010 9:12 pm

اهلا اهلا يا مساء الانوار المظلمة
ازيكم يا احلي عشرة طيبة
اولت امبارح جاتلي فكرة مدهشة اني اطلع نفسي من عالم الاحياء ولو لمدة ساعة وتكون مأخرة
فكرت في الشر برة وبعيد """الموت""
مين جاب سيرة الموت ده !!
انا اصلي قولت انزل الجامع اصلي صلاة الجمعة وبعدين روحت لاقتني روحت بدري شوية وكان فيه شخصية فاضلة
بتقول درس دين عن الاخرة ولقاء رب كريم وبعدين سرحت شوية كده لاقيت ان الواحد لازم يتوب بأة ويرجع الي الله
قبل ما يجي له ملك الموت ويقوله النهارده يوم قيامتك يلا بينا لاخر المشوار
وانا فكرت شوية كده لاقتني بقول سبحان الله
الدنيا دي كلها محصلة بعضها الواحد يدرس ويشتغل ويحوش في فلوش قال اية تأمين مستقبل؟؟
تامين مين؟واي مستقبل ؟
التأمين ده من ابشع قصدي افضل الحاجات الحلوة في بلدنا
الواحد لازميقول اللي ليه واللي عليه الصراحة
التأمين ده للناس الاغنياء اللي يقدرو علي المرض والفشل الكلوي ..وجلطات المخ والقلب ...وامراض تانية كتير لا حصر لها
اعزكم الله وعافاكم
المهم خلصت الصلاة ووقفت مع مجموعة نساء فضليات كانوا خرجين من الصلاة وكل وحدة تقول للاخري
هتعملي ايه غدا النهارده ؟؟؟اصلي لسة ما فكرتش قوليلي عشات اسرق منك الفكرة!!
والحوار ده علي باب الجامع؟؟؟
فسألتهم سمعتم الدرس النهارده كان مفيد وشيق وفيه كلام مهم وخطير
؟؟؟؟؟؟؟؟؟؟؟؟؟؟؟؟؟؟
وده كان الرد
الظاهر انا اشرب الحجرين من دول وهما اللي يفوقوا مش انا
انا لازم امشي دلوقتي بأقصي سرعة من هنا والا هحكم علي نفسي بالسطل حتي الموت

_________________
الرجوع الى أعلى الصفحة اذهب الى الأسفل
النّبع الصّافي
كاتب محترف
كاتب محترف
avatar

عدد الرسائل : 1330
المزاج : عاشـــقة
تاريخ التسجيل : 05/01/2009

مُساهمةموضوع: رد: مذكرات مسطوووول   الخميس يونيو 03, 2010 1:15 am

ياخبر .. انتِ ايه بس ودّاكي هناك ... اقصد ايه خلاكى تسمعى لهم ده حتى ايام التروايح ربنا يعيدها لنا بكل الخير والبركه تلاقي وقت الراحه بين الصلاه بتكون حوالى ربع ساعه وتلاقي الستات سلّموا من هنا اخر ركعه وبيدأ الكلام .. شوفتى فلانه عملت ايه اما جوزها ماطلعش راجل بس مراة ابنى عملت وسوّت لكن انا ربيتها ويشتغلوا بقي..

انتِ جبتى القماشه دى منين.. انتِ لازم تديها على دماغها عشان تعرف ان الله حق ده حسبي الله ونعم الوكيل ووو

والامام يسقف ويقول كفايه كلام

ويحلف بعدها ان مفيش breakتانى

هايديه للستات خصوصاااااا

المسجد ده بيستقبل بلاوى والله..

اللى اعرف ان لاجدال ولا مناقشات دنيويه فيه .. ده المفروض يعنى

ربنا يرحمنا بأه
الرجوع الى أعلى الصفحة اذهب الى الأسفل
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: مذكرات مسطوووول   الجمعة يونيو 04, 2010 3:54 pm

بلاش ياعم مختار خلي الطابق مستور
انت عارف الحكومة مش مخليه حاجه بصراحه
الا ومخلياها زي الفل ، هو احنا نقدر ياباشا
من كام يوم حصلت حكاية قافلة الحرية وواحد صاحبي بيقولي شفت آخر الاخبار ، قلت له اه والله ولاد الكلب الصهاينة قالي حرية مين ياعم انت حتفوقنا من الحجرين اللى شاربينهم ياعم خلينا هنا ، قلت له حصل ايه ، قالي مكدونالد عمل ايس كريم بالتفاح الاخضر تصور ؟

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
https://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: مذكرات مسطوووول   الأحد يونيو 13, 2010 12:29 am

تصدقوا
قعدت ادور على الموضوع في المنتدى كله
اصلي جاي المنتدى زي ما انتم عارفين ومديها
والظاهر لقيت النور مقطوع فيه قعدت ادور عليه
في كل الاقسام ومش شايف قدامي ، ياواد انت
كتبت موضوع اسمه مذكرات مسطول راح فين
راح فين .. ادور عليه في اي قسم والله ماعارف
المهم قلت افتح كل قسم واسأل واللى يسأل ما بتوه
وفتحت اول قسم لقيته عام ، قلت اكيد التاني غرق
اشوفه رحت لقيته القسم الاسلامي قلت مش معقول
اكون حطيته هناك صحيح انا مسطول بس مش للدرجة
ونزلت شويه بلاد تشيلني وبلاد توديني لغاية ما وقعت عليه
ولقيته موجود والبنت الشقة ام عبد الرحمن هي اللى كتبت
ودوختني عشان الاقيه .. بس لما اشوفها .. المهم اني لقيته
ولقيت كمان الساعة اتأخرت ولازم امشي .. هو انا كنت بقول
ايه في الموضوع ده . ياخرابي يا جدع حترجع تشوف الموضوع
من اوله عشان تعرف كنت بتهبب ايه .. ودي ايه الشغلانة الغريبة
دي والنبي مفيش حد منكم يقولوي كنت باقول ايه .. اصلي نسيت
تصبحوا على خير بأه الصباح رباح اكون افتكرت او حد فكرني
هو اوتبيس كام بيروح فين .. الحق بأه قبل اللجان ما تملا الشوارع
وما معييش بطاقة معايا كرت البنك بس وحتى ما ينفعش اصل الرصيد
صفر يعني لو قدمته للشرطة وكشفوا عليه في اي ماكينة سحب حاضرب
لغاية ما يبان لي رصيد .. يالا استأذنكم .. واهو فرصه افكر حكتب ايه

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
https://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: مذكرات مسطوووول   الأحد يونيو 13, 2010 12:34 am

شوفوا نسيتوني كنت عاوز اقولكم ايه ؟؟؟
كان عندي سؤال ولما مشيت افتكرته رجعت

هو اللى يعطس 15 عطسه ورا بعض يبقى عنده ايه ؟؟

خير اللهم اجعله خير

عموما انا من باب الاحتياط حاخد برشامة مغص

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
https://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
sixm2005
كاتب محترف
كاتب محترف
avatar

عدد الرسائل : 363
تاريخ التسجيل : 15/06/2009

بطاقة الشخصية
الأول: 10

مُساهمةموضوع: رد: مذكرات مسطوووول   الأحد يونيو 13, 2010 5:50 am

شوف ياريس انا بصراحه ماكنتش هتكلم لكن ضميري تعبني كتير وقلي قول الحقيقه
وانا هعترف انا فعلا سرقه الموضوع وخته معايه البيت
قلت اطلع منه بسجرتين
وشوف يا اخي ولاد الحلال عمله ايه
ادور في كل كلمه في كل حرف اني الاقي ولو نفس حتي مافيش
يظهر شربو التعميره كلها
اوم حبيت ارجع الموضوع تاني يوم بس نسيت هو في اي قسم اوم سبته علي باب المنتدي وروحت علي طول
اما عن موضوع العطس ده حاجه سهله خلاص
وبعدين الي قبلنا قاله اسال منجد وماتسالش حكيم
انت قبل ماتنام تشرب كبايه ميه كبيره وتعد من واحد لميه وانت هتروق علي طول
وعلي فكره ده من الحسد وحياتك
اصل في ناس عنيهم كبيره كتير ومش بيسمه خالص
ويجعله عامر
الرجوع الى أعلى الصفحة اذهب الى الأسفل
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: مذكرات مسطوووول   الأحد يونيو 13, 2010 12:45 pm

تصدق كلامك مضبوط خصوصا ان الواحد مناخيره مغرية كتير وصغيرة
تلاقي الناس حسدوها من ساعتها عماله تكبر تكبر وبعطس ، بس انا نسيت
اقولك انا مش بعطس منها العطس بيجي من حتت تانيه ،.. ماعلينا المهم كويس
انك قلت لي حكاية المنجد وبيني وبينك عندي سلتتين عاوز اعالجهم م العطس
يااخي كل ما اجي اقعد عليهم الاقيهم بيطلعو القطن بتاعهم بره ابص ما الاقيش اي
مكان طيب بيطلع منين القطن ده .. اقولك .. ولا بلاش احسن الناس تزعل ..
اخدت بالك .. من يومين بمارس هواياتي التلصصية سمعت ايه .. عجب العجاب
صحيح الدناي لسه بخير ياجدع .. واحد بيكلم مراته وهما في البيت وبيشتكي لها
من مين يا سيد .. تصدق بيشتكي لها من حبيبته ، بيقول لها مش عارف اعمل ايه
معاها انا حضطر اسيب لها البيت وامشي ، دي مش مريحاني ولا مهنياني ، قالت له
مين دي ياراجل اللى مش مهنياك قال لها البت توحه ، قالت له يانهار ابوك اسود انت
بتعرف ستات عليه وجاي تشتكي لي منها كمان قال لها ياولية ماهو الدنيا اتغيرت
ودولوقتي الزوج بيشتكي حبيبته لمراته ، مش كان زمان الواحد كل ما يتعرف على
واحده غير مراته يقعد يقولها الملل ومش طايق مراتي ، طيب لما يروح يعرفواحده
تانيه غير مراته وتطلع عينه حيشتكي لمين يعني غير لمراته ، ردت عليه وقالت له
انت ياراجل شربت ايه يخرب عقلك انت غيرت التعميرة بتاعة كل يوم وانا اقول
ماله الراجل ، يخرب عقلك .. قال لها حتى انتي كمان نكديه كده ده انا جيت اشتكي
لك صحيح اللى قال عليكم ما كذبش ، ردت عليه مراته وقالت له روح منك لله ياشيخ
فوقتني من النفسين اللى لسه شارباهم ده انا شاربه سيجار معمرة لو ضربتها في فرح
حتموت نص المعازيم ، قال لها تصدقي انا مش حاعرف عليكي واحده بس انا حاعرف
عليكي نص الحارة ، قالت له روح يامنيل هو انت حتعرف مين يعني مش ستات برضه
اهو اخرتها حتيجي برضه تشتكي لي منهم ، قال لها صحيح واهو ستات بستات خلينا
على اللى نعرفه ، انا اللى الحق عليه سايب قعدة الرجالة على القهوة وجاي افضفض معاكي

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
https://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
abrar
الاشراف
avatar

عدد الرسائل : 1878
العمر : 56
المزاج : الحمد لله على كل شىء
تاريخ التسجيل : 18/11/2008

مُساهمةموضوع: رد: مذكرات مسطوووول   الأحد يونيو 13, 2010 2:07 pm


ههههههههههههه
والنبى رجالة عسل
دمااااااااغ
يخرب بيت كده
لأ ورايح يشتكى لمراته
ههههه
ومراته لاسعة أصلا

طب بصوا دى
كان لأحد المحاورين الحوار التالي مع احد المساطيل من احدي الغرز على ناصية الشارع


بدأنا الأسئلة

وكان اول سؤال للمحاور:

بصفتك واحد من المواطنين المحبين والمضحين من أجل هذا البلد

كيف تري مستقبله؟


المسطول:أكيد هيكون لوز وآخر بهججة

والناس هتكون فوووووووووووووووق وطايرة وآخر سعادة



المحاور: في رأيك ما هي أفضل الأساليب والطرق اللازمة لحل كل المشاكل التالية؟



البطالة


المسطول: إحناا نموت الشباب الجديد الصاعد اللي عاوز يشتغل من دلوقت,

قبل ما يموت هو من الحسرة..أو يفكر انه يفجر نفسه

وبكده يكون عندنا وظائف خالية للجيل اللي بعديه ..



تلوث المياه


المسطول:دي بقى حلها سهل جدا..الميه المعدنيه موجودة ومتوفرة في كل مكان وباي كميه

ولا احنا بقي غاويين صنع مشاكل وخلاص؟

وأنا لي رأي ممكن يحل الموضوع ده ..

إن يتصرف لكل مواطن إزازه ميه معدنيه نظيفه علي التموين

وأظن ان دا حل كويس يرضي جميع الاطراف



رغيف العيش


المسطول: أعتقد ان لغايه النهارده وحتي هذه اللحظه إنه في متناول يد الجميع

وسعره مدعم لكل الناس..ويعني هو لو كان شاحح شويه في البلد
فالبديل موجود..البسكوت حلو وجميل وفي منه كمان بالشيكولاته
وموجود في كل مكان ..العيب في الناس اللي مش عايزة تفكر في حلول لمشاكلها


الصرف الصحي


المسطول: نلغي حاجه اسمها الحمامات دي خالص

ويتوفر لكل مواطن أكياس بلاستيكية يقضي فيها حاجته

وأهو برضه ممكن يبقى استثمار للفضلات..



التعليم


المسطول: دي بقي أهم حاجه لازم نعالجها بجد..

لان التعليم هو اللي بيربي الناشئين للمستقبل وبيصنع الاجيال

بس أهم حاجه لازم نعلمها لولادنا ..امشي جنب الحيط

وخليك في حالك احسن لك..وإن شفت الغلط غمض عنيك وماتتكلمش..



ارتفاع الاسعار


المسطول:

ممكن نحلها بخفض الاجور لكل فئات الشعب
وهنا الناس مش هاتعرف تشتري حاجه و التجار مش هايبيعوا

وتحصل حاله كساد اكتر.. هيضطر التجار يخفضوا ثمن السلع بأقل من تمنها الحقيقي

وتبقى كل حاجه ببلاش ..(سيدي يا سيدي)


وأخيرا .. في ناس عماله تتكلم و تقول إن كل حاجه دلوقتي بتغلى وبيرتفع سعرها

ماعدا الانسان بس هوا اللي بيرخص ..إيه رد حضرتك؟




المسطول:

آه ..لما الناس تفوق بجد وترفض تتعامل على انها حيوانات

وعلى الأقل يتعاملوا بينهم وبين بعضيهم على انهم بني آدمين

وكل واحد يعرف حقوقه وواجباته و....



المحاور
بس..بس..ستوب..انت بتقول ايه؟

انت جاي تفوق دلوقت...فاصل ونعود مع مسطول آخر من غرزة تانيه في حته تانيه




_________________
اللهم أنى استودعتك قلبى فلا تجعلنى أحب سواك
واستودعتك لا إله إلا الله فلقّنى أيّاها عند الوفاة
إاللهم إذا أساء إليّ الناس هبني شجاعة التسامح
وإذا أسأت أنا إلى الناس هبني شجاعة الاعتذار

آمـــــــين



[center]


:: أبرار ::[/center]
الرجوع الى أعلى الصفحة اذهب الى الأسفل
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: مذكرات مسطوووول   الثلاثاء يونيو 15, 2010 1:30 pm

اول امبارح كنت قاعد افكر في موضوع غريب شويه .. ايه .. مش مصدقين .. والله بفكر .. صحيح الواحد مسطول على طول ، خصوصا لما بيجي حاجه بعيد عنكم تلوحه وتخليه يمشي شمال مش يمين .. المهم وانا بفكر قلت حاجه بس والنبي محدش ياخد كلامي بزعل .. احسن حاقول كلام غريب شويه .. عموما انا بفكر افتح صندوق ذكرياتي واحكي لكم .. مش مذكرات مسطول .. واهو بالمرة نقول ونتكلم ونحكي براحتنا ..

المهم نرجع مرجوعنا للى كنت بفكر فيه ، الستات .. اه الستات .. ياترى الست لما بتنكد حياتها وعيشتها ، هل دي هواية ولا احتراف ، ولا الستات كييفه حزن وآسيه .. هو بس عاوزين نسأل في الموضوع اللى بفكر فيه ده .. شويه اسئلة وقولي عليه عبيط .. مسطول .. أي حاجه .. ايه هما بأه السؤالين دول .؟



شوفوا .. هو ليه الستات اقرب افراز للدموع ، وفي كل مناسبة .. لدرجة ان الست حتى وهي بتتجوز .. مع انها بتقعد سنين تعافر في الدنيا وتقاوم وتآوح عشان تتجوز وأول ما تلاقي العريس وهما في الكوشة والناس كلها فرحانه تبص تلاقيها بتبكي .. وتقولك حاجه غريبة .. اصل بابا وماما حيوحشوني .. طيب هو انتي مسافرة .. ماهم اسم الله عليهم حيجيوا ويبلطوا عندك وتلاقيهم رايحين جايين والبيه اللى قاعد فرحان جنبك ده ولابس بدلة سودا بعيد عن السامعين هو اللى حيدفع أكلهم وشربهم وغلاستهم ورخامتهم .. طيب مين مفروض يبكي والنبي انتي ولا البيه عريسك ..



ونيجي على واحده تانيه مفروض انها تكون اسعد اللى موجودين .. ليه ؟ لأن بنتها وقبل ما تبقى عانس وتجيب لها وجع القلب اخيرا لقت عريس يلمها في بيت الزوجية والراجل اهو ماشاء الله ملو هدومه والبنت قاعده لابسه فستان الفرح اللى مكلفه الشئ الفلاني ولا مأجرينه .. المهم ام العروسة يعني .. تلاقي الناس فرحانين وعمالين نازلين اكل في البوفيه واللى بيطبل واللى بيرقص والعريس قايم مع عروسته شغالين الله ينور تقولش متجوز رقاصة وهي تقولش متجوزه سعد الصغير عمال يباشر مهمات الهز والرقص .. وهي ياعيني قاعده تبكي وتعيط ونازله نواح .. ليه ياستي ماهي اتجوزت وحتغور من وشك وتريحك من قرفها دي كانت مورياكي الويل ، وكل شويه جايبه لك الكلام .. البت مشيت مع مش عارف مين البت بتكلم الشباب على الانترنت ، البت بتعمل شات ، ولو اني مش عارف يعني ايه شات يمكن قريب الساندوتشات .. هو حاجه مشتقة منه .. وهي برضه بتعيط ، تسألها بتعيطي لي ياحاجه تقولك البت حتوحشني ما تعودتش تخرج بره البيت ، والنبي ايه ماهي رايحه جايه خروج ودخول وبعدين مش حتوحشك ولا حاجه مانتي من الصباحية مبلطة عندها طيب ليه العياط بأه . اهو مش قلت لكم هواية .. او احتراف ..



وتيجي لموضوع تاني تلاقي الستات لما يتوفى واحد او واحده لرحمة الله ، تلاقيهم نازلين صويت وعياط شوفوا مثلا العزا بتاع الرجالة ساكتين ازاي ، وهما بعيد عنكم شغالين وكل واحده تدخل تولع في العزا وتصرخ ال يعني بتجامل .. ده بأه هوايه ولا احتراف ؟



وتيجي تلاقيهم في العيد اللى الناس بتفرح فيه .. رايحين القرافة وشغالين برضه في هواياتهم .



انا كنت بسأل نفسى اول امبارح سؤال غريب شويه .. اشمعنى نجوم الكوميديا بتوعنا كلهم رجاله ، وبالهبل عددهم لايحصى ، اما نجوم الكوميديا الحريم قليلين ويكادوا يتعدوا على اصابع اليد الواحده .. مع ان والله فيه ستات كتير دمهم خفيف اوي أوي .. ربنا يجعل كلامنا خفيف عليهن ..



وبعدين محدش يزعل مني انا بتكلم بصفتي مسطول طبعا لكن لما افوق ببقى ليه كلام تاني .. باجامل بأه وبغير اقوالي كلها ..

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
https://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
 
مذكرات مسطوووول
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات خواطر مبعثرة :: الفئة الأولى :: مدونات الاعضاء-
انتقل الى: