منتديات خواطر مبعثرة
السلام عليكم ورحمة الله وبركاته ، ومرحبا بكم ، تسعدنا زيارتكم ، ويسعدنا أكثر تسجيلكم لتكونوا ضمن ورودنا.كل عام وانتم بخير

منتديات خواطر مبعثرة

منتدى ادبي اجتماعي ثقافي في قالب مرح
 
الرئيسيةمرحباس .و .جالتسجيلدخول
المواضيع الأخيرة
» هل من مرحب
الإثنين يونيو 02, 2014 2:47 am من طرف ايمان اصبيح

» أضغاث أحلام ...
السبت مارس 01, 2014 11:02 pm من طرف hussain alaswad

» A fortieth discovers the secret of her diseas by chance and eliminates it by eating Al Hashimi natural supplements
الإثنين فبراير 03, 2014 6:14 pm من طرف شهد الروح

» بابا نويل خواطر مبعثرة
الخميس يناير 12, 2012 7:34 am من طرف باهي

» الدوري المصري يشتعل
الخميس يناير 12, 2012 7:25 am من طرف باهي

» تقولك بحبك
الأحد أكتوبر 02, 2011 8:32 am من طرف سماالحب

» بحث عن نفسي
الأحد أكتوبر 02, 2011 8:20 am من طرف سماالحب

» عيد ميلاد سعيد أماسى
الإثنين أغسطس 22, 2011 5:42 pm من طرف اماسي

» ما شفتش يوم حلو معاك !!
الخميس أغسطس 18, 2011 9:22 pm من طرف باهي

» أوسطه مغفرة
الخميس أغسطس 18, 2011 6:21 am من طرف باهي

» عيد ميلاد سعيد باهي
الأربعاء يونيو 29, 2011 7:35 am من طرف باهي

» في القرآن ؟؟
الإثنين مايو 16, 2011 3:29 pm من طرف MOSTAFA_ABBAS

» مهندس كمبيوتر
السبت مايو 07, 2011 6:52 pm من طرف MOSTAFA_ABBAS

» لاتحزن
السبت مايو 07, 2011 6:49 pm من طرف MOSTAFA_ABBAS

» حول مقتل بن لادن
السبت مايو 07, 2011 6:48 pm من طرف MOSTAFA_ABBAS

» سيادة الرئيس المخلوع
السبت مايو 07, 2011 6:47 pm من طرف MOSTAFA_ABBAS

» عيد ميلاد نجم النجوم
الإثنين أبريل 18, 2011 12:21 am من طرف MOSTAFA_ABBAS

» الاعتداء في الدعاء
الإثنين أبريل 11, 2011 1:59 pm من طرف MOSTAFA_ABBAS

» يارب
الخميس مارس 24, 2011 6:27 am من طرف abrar

» قائمة العار
الثلاثاء مارس 15, 2011 3:42 am من طرف باهي

كلمات

الجهل نوعان :

1- (البسيط) وهوأن يجهل الانسان شيئاً وهو ملتفت إلى جهله فيعلم انه لا يعلم .

 

2- (ومركب) أن يجهل الانسان شيئاً وهو غير ملتفت إلى أنه جاهل به، بل يعتقد انه من أهل العلم به، فلا يعلم أنه لا يعلم .

ويسمون هذا مركباً ﻷنه يتركب من جهلين: الجهل بالواقع والجهل بهذا الجهل.  

 

بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
التبادل الاعلاني
احداث منتدى مجاني
pubarab
تصويت
هل تقبل النصيحة ؟
اقبلها بصدر رحب واشكر لها
60%
 60% [ 6 ]
اقبلها ولكن بشروط
40%
 40% [ 4 ]
اقبلها على مضض
0%
 0% [ 0 ]
لا اقبلها
0%
 0% [ 0 ]
مجموع عدد الأصوات : 10
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

قم بحفض و مشاطرة الرابط خواطر مبعثرة على موقع حفض الصفحات

قم بحفض و مشاطرة الرابط منتديات خواطر مبعثرة على موقع حفض الصفحات
القرآن الكريم

اذاعة القرآن الكريم

http://www.tvislamic.com/radio/radio-quran.htm

 

كل شئ عن القرآن - تفسير تلاوة نسخ حفظ 

 

http://quran.muslim-web.com/sura.htm?aya=001

 


شاطر | 
 

 عاوز أنام !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: عاوز أنام !!   الأحد ديسمبر 27, 2009 1:31 am



من 6 الى 8 ونص



صحيت يوم اجازة ، الساعة 5 ونص لحقت صلاة الفجر والحمد لله ، وكنت سهران قبلها بيوم بتفرج على فيلم تاريخي اجنبي ، المهم بعد ما صليت سمعت صوت الصندوق بتاع الجريدة اللى مشترك فيها ، الظاهر الموزع جاب الجريدة طيب اقوم ابص على العناوين واقرأ الاخبار وانام انهارده أجازة ، ومفروض ارتاح شويه ، عندي موعد الساعة 9 أحسن أنام وأقوم الساعة 8 ونص البس هدومي وانزل ، قريت شويه عناوين وحسيت إني حنام ، ضبطت الموبايل بتاعي على الساعة 8 ونص ومددت قعدت افكر شويه وقلت والله فرصه ان الواحد يكون عنده اجازة اسبوعية ينام فيها الصبح ويكسر الروتين بتاع الساعة 6 الصبح يلبس ويروح الشغل ، وفكرت ان اليوم اجازة وحستمتع بالنوم عندي على الأقل ساعتين ونص من 6 الى 8 ونص .



بدأت رحلة النوم واستلقيت ورميت الجريدة وبدأت اروح في النوم واذا بشوية ناس كتير بيعملوا اصوات كأنهم بيضحكوا مبسوطين ، وبعدين بأه مش حنام ولا ايه . لقيت الصوت جاي من ناحية الباب بتاع الشقة ، قمت وانا بقول خير ضحك وتهريج في الوقت ده ، غريبة شويه على عمارتنا الهادية . بصيت من العين السحرية للباب واذا بالجماعه الهنود جيرانا المسيحيين محتفلين بالكريسماس وتقريبا سهرانين للصبح مع اصدقائهم اللى خارجين مروحين وهما بيودعوهم ، قلت في نفسي اهو سيبهم يحتفلوا برضه من حقهم .



رجعت السرير وكلفت نفسي باللحاف وقلت خلاص اهم مشيوا وحنام ، وبعد شويه وانا سه حابدا اكل الرز مع الملايكة ، سمعت أصوات بس المرة دي من الشارع ، غريبة دي خناقة ولا ايه ، طيب قمت مفزوع وبصيت من الشباك اللى على الشارع واذا بناس كتير لابسين ابيض في ابيض رجاله وستات كل واحد معاه كتاب وسجادة مزركشة ، اه صحيح دول جماعة البهرة وكانوا بيحتفلوا بليلة عاشوراء ، ايه الموضوع الاحتفالات اجتمعت انهارده في وقت واحد والمشكلة الجماعة دول لما يتكلموا مع بعض بلهجتهم كأنهم بيتخانقوا طيب اقولهم ايه ، عاوز انام وانا حاتكلم مع دول كلهم ازاي وحاقول ايه ولمين فيهم احسن استني لما ينصرفوا لوحدهم واروح امدد على السير وبالفعل بدأت رحلة النوم للمرة الثالثة وقلت زمانهم حيمشوا واتمددت مرة تانيه وشويه ورحت في النوم وبدأت انسى شويه شويه حنام اهو ..



اخر مرة بصيت في الساعة لقيتها 7 الصبح .. ياه كل ده وقت ضاع مني .. طيب فاضل ساعة ونص على الأقل كويس أنام بأه .. رحت شويه عن الدنيا وبدأت في النوم بعد شويه رن الموبايل بنغمة الرسائل ، قلت خير ولفيت اخد الموبايل من جنبي وفتحت الرسالة ، مين حيبعت لك في الوقت ده ورسالة ايه خير اللهم اجعله خير .. قريت الرسالة ، لقيتها رسالة دعوية حلوة التذكرة والكلام الجميل بتاع الدعوة برضه جميل ، بس التوقيت غريب شويه ، هو يعني زنقت تبعتوا رسائل دعوية دلوقتي ، طيب ماشي المهم خير مفيش حاجه وحشه الحمد لله ، وبعد شويه نمت ورحت شويه في النوم وصحيت على ايه ، رنة موبايل بس المرة دي مش رسالة ده اتصال ، بصيت في الموبايل لقيتها اللى بيقولوا عليها رنة ، والله جميل حد يتذكرك ويرن عليك عشان يقول صباح الخير ، بس المشكلة انه مش شايفك ولا عارف انك عاوز تنام ، طيب بسيطة أنام بأه .



رحت شويه في النوم وبعد شويه تليفون بس بتاع البيت قلت والله ما هرد ، طيب هو ده وقته وبعدين لو مهم التليفون حيتصل بالموبايل مانا عقبال ما اقوم ارد على تليفون البيت اللى في الصالة يبى حفوق وانا بدأت اروح للنوم ، وما كملت كلامي سكت التليفون قلت الحمد لله زهق ، انام بأه ، شويه واللى حسبته حصل رن الموبايل ورقم غريب اول مرة اشوفه ولا حافظه على موبايلي ، خير مين ده وفي الساعة دي الساعة بأت 7 ونص الصبح وانهارده اجازة ، طيب ارد واخلص مانا صاحي رديت ولقيت واحد صاحبي من الوزارة ، صباح الخير ، صباح النور ، والله صوتك باين عليه نايم معلش ازعجتك ، معلش ولايهمك أأمر ، لأ روح نام بأه قلت له خلاص مانا بكلمك اهو ايه الموضوع ، قالي شوف ياسيدي : بنتي قالبه راسي من بدري وعاوزه لاب توب قلت له ماشي قالي اصل الجريدة فيها اعلان انهارده عن لاب توب رخيص وماركة كمان قلت له كويس السعر ده غريب شويه بس شوف الاعلان كويس قالي لأ السعر مضبوط قلت له شكله ايه ده قالي ده صغير والشاشه عشر بوصات قلت له ده مش لاب توب ده نيت بوك يعني جهاز مخصوص للانترنت ، قالي اه مانا قلت برضه اسأل صديقي الأول قبل ما اشتريه ، معلش روح كمل نوم قلت لهم ادعيلي ..

رحت انام وبعد شويه دوشه في الشارع وقلبه راس وخبط ورزع .. ياخبر ايه ده قمت مفزوع تاني المرة دي اصوات غريبة مش بتاعة ناس دي حاجات بتتكسر ، بصيت من الشباك لقيت معدات البلدية تراكتور صغير وسيارة نقل كبيرة وعمالين يشيلوا تعديات من الشارع مخالفه ويكسروها وينقلوها على اللوري . ايه ياناس النشاط ده الساعة قربت على 8 مش فاضل الا نص ساعة تقريبا مش حنام والا ايه .؟



رحت امدد وقلت خلاص مش لازم انام اهو اريح جسمي شويه ، واذا بديك غريب بيأذن بطريقة هيستيرية ، غريبة ايه حكاية الديك هو مش مفروض يأذن في الفجر ، دي الشمس طالعه والناس ماشيه في الشارع ايه الحكاية حتى الديوك خربت المواعيد ، والا يمكن الراجل صاحب الديك ضابط المنبه بتاعه الساعة 8 ممكن برضه اهو بدل ما يصحيه الفجر يصحيه الساعة 8 والساعة 8 بأه يعني مفيش مجال للنوم طيب اعمل ايه ماهو الميعاد حيروح لو نمت دلوقتي مش فاضل غير اقل من نص ساعه .. طيب جبت الجريدة وكملت قراءة وقلت خلاص اديني اسلي نفسي الشويه دول ، وبدأت اقرأ الجريدة وتقريبا نمت في الوقت ده من كتر التعب والجريدة وقعت مني ورحت في النوم بعد شويه اتفزعت على صوت ايه المرة دي ؟؟ صوت المنبة بتاع الموبايل .. الساعة وصلت 8 ونص بالضبط موعد صحياني.. خلاص لكن انا شبه نايم فعلا ، قفلت الموبايل ونمت ...ورحت في النوم .. وصحيت الساعة 10 ونص .. الحمد لله اخدت حقي من النوم .. مش بقولكم النوم سلطان .


_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
http://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
abrar
الاشراف
avatar

عدد الرسائل : 1878
العمر : 55
المزاج : الحمد لله على كل شىء
تاريخ التسجيل : 18/11/2008

مُساهمةموضوع: رد: عاوز أنام !!   الأحد ديسمبر 27, 2009 3:23 am


هههههههه يااااخبر أبيض كل ده عشان فكرت تنام وترتاح يوم الأجازة
تصور أنى اكتشفت انك لو فكرت تاخد اجازة عشان تنام أو ترتاح لا بتنام ولا بترتاح ويطلعلك مليووووون حاجة تمنعك من حق اللى من حقك
لا وميجيلكش النوم بقى إلا وقت ما انت مش عاوز تنام

عاوز تسهر عالنت شوية عاوز تشوف فيلم بتحبه عاوز تذاكر تبص تلاقى النوم أيه جاى يجرى
هههههه سبحانة الله حاجة غريبة طب خلاص هتنام وأمرك لله تبص تلاقى النوم طااار أو تحصل حاجة تخليك متنمش
الحمد لله أستاذنا أنك نمت برافو عليك طنشت كل حاجة عشان تنام
فعلا النوم سلطان
ومساء الفل

_________________
اللهم أنى استودعتك قلبى فلا تجعلنى أحب سواك
واستودعتك لا إله إلا الله فلقّنى أيّاها عند الوفاة
إاللهم إذا أساء إليّ الناس هبني شجاعة التسامح
وإذا أسأت أنا إلى الناس هبني شجاعة الاعتذار

آمـــــــين



[center]


:: أبرار ::[/center]
الرجوع الى أعلى الصفحة اذهب الى الأسفل
مُــنَــى
الاشراف
avatar

عدد الرسائل : 1318
العمر : 87
تاريخ التسجيل : 06/01/2009

مُساهمةموضوع: رد: عاوز أنام !!   الأربعاء ديسمبر 30, 2009 12:58 am

عارف يااستاذى انا لو عملت زي حضرتك كده؟ واقول من 6 ل8 والحاجات دى اولا ومن غير اى ازعاج انا مابعرفش اروح فى النوم الا بعد ساعتين ونص بالتمام والكمال بعد مااحط راسى على المخده من كتر المخ اللى شغال .. ولو سألتنى شغال في ايه اقولك والنبي مااعرف

الحاجه التانيه بقي
لو عندى مليون ميعاد واحيانا اخواتى طلبونى مع اصحابي واقاربي مرة واحده واقول حاضر واقسم نفسي والاخر اقول كله يروووووووووووووح من اجل النوم

ههههههههههه

ودلوقتى نفسي انام

لكن ماباليد حيله عندى ميت مشوار وهامشي واروح دايخه

ادعولى

تسلم ايديك على الموضوع واعمل زيي وسيبك من المشاوير والمواعيد

مفيش احلى من النوم 13 ساعه

_________________
الرجوع الى أعلى الصفحة اذهب الى الأسفل
http://mostafa4all.3arabiyate.net/forum.htm
zodiak
وسام برونزي
وسام برونزي
avatar

عدد الرسائل : 1423
العمر : 25
الموقع : www.highvoltaa.blogspot.com
المزاج : ChaOs
تاريخ التسجيل : 07/01/2009

مُساهمةموضوع: رد: عاوز أنام !!   الأربعاء ديسمبر 30, 2009 1:26 am

ههههههههههههههههههههههههههههههههههههههه
الرجوع الى أعلى الصفحة اذهب الى الأسفل
باهي
مراقب عام
avatar

عدد الرسائل : 2409
المزاج : عال العال
تاريخ التسجيل : 20/02/2009

بطاقة الشخصية
الأول: 10

مُساهمةموضوع: رد: عاوز أنام !!   السبت يناير 02, 2010 4:16 am

أظرف ما في الموضوع أستاذ مصطفي
أني شعرت بك خطوة بخطوة
وكان خيالي يتخيل ما يحدث لك من وصفك الدقيق الممتع
كل أجازة وأنت طيب ياراجل ياطيب
ههههههههه
الرجوع الى أعلى الصفحة اذهب الى الأسفل
freska
كاتب فعال
كاتب فعال
avatar

عدد الرسائل : 957
تاريخ التسجيل : 26/01/2009

مُساهمةموضوع: رد: عاوز أنام !!   السبت يناير 02, 2010 8:17 am

تصدق يا استاذ
انا حاليا نفسي انام
ماهو انا فاضيه مش ورايا حاجه
وفي ناس سبتني ونامت عادي يعني
بس
صعبان عليا انام
اصلي بحب الليل قوي
وبجد صعبان عليا انام
مع اني مش ورايا حاجه وبجد حسه بالنوم
بس
برده مش هنااااااااااام
وعلي العموم ربنا يكرمك وتعرف تنام
الرجوع الى أعلى الصفحة اذهب الى الأسفل
freska
كاتب فعال
كاتب فعال
avatar

عدد الرسائل : 957
تاريخ التسجيل : 26/01/2009

مُساهمةموضوع: رد: عاوز أنام !!   السبت يناير 02, 2010 8:27 am

اه صحيح نسيت ااقول حاجه
زي الاستاذ باهي ما بيقول
بجد وصفك حلو قوي
وبجد تخيلت الصوره اللي حضرتك بتحكيها
بالضبط
الهنود
والبهره
مع ان الاسم اول مره اسمعه بس بما ان الموضوع فيه
عاشوراء يبقوا الشيعه
ولا ايه
لا دانا انا كان تخيلت الشقه عند حضرتك وانت بتبص من الشباك الالوميتال من ورا الستاره
علي الشارع
ومش عارفه ليه تخيلت الستاره لونها زيتي
معلش يا استاذ اصلي انا حاليا نفسي انام
وانا اما مش بنام
تقريبا بهيس
هههههههه
علي العموم عقبال الاجازه الجايه
وقبل ما تنام مش تنسي تقفل الموبيل
وتشيل سلك تليفون البيت
وتجيب سداده للاذن
وكمان للعين
وتصبح علي خير
الرجوع الى أعلى الصفحة اذهب الى الأسفل
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: عاوز أنام !!   الأحد يناير 03, 2010 2:52 pm

حاضر يا ام عبد الرحمن
حاعمل زيك المرة الجاية باذن الله
سرني وجودك كثيرا

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
http://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: عاوز أنام !!   الأحد يناير 03, 2010 2:54 pm

زودياك

شكلك انبسطت

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
http://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: عاوز أنام !!   الأحد يناير 03, 2010 2:56 pm

وانت طيب حبيبي باهي
اكيد عندكم ديك بلدي مش مضبوط برضه
وبيأذن في اي وقت على مزاجه كده
تسلم ياغالي

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
http://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
MOSTAFA_ABBAS
Admin
Admin
avatar

عدد الرسائل : 2503
المزاج : King
تاريخ التسجيل : 17/11/2008

مُساهمةموضوع: رد: عاوز أنام !!   الأحد يناير 03, 2010 3:03 pm

كلامك مضبوط فريسكا
لكن بالنسبة للقلق
حدث ولا حرج
شغال معانا كلنا
المشكلة مش في اننا عاوزين ننام
بس المشكلة في ازاي ننام
ومين حخلينا نعرف
اجمل تحياتي لك بالسعادة دائما

_________________

اذا فشلت في التخطيط ، فأنت تخطط للفشل
مجموعة خواطر مبعثرة على الفيس بوك :
http://www.facebook.com/group.php?gid=302029072019&ref=nf[
الرجوع الى أعلى الصفحة اذهب الى الأسفل
http://mostafa4all.3arabiyate.net
 
عاوز أنام !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات خواطر مبعثرة :: منتديات ترفيهية :: اضحك كركر أوعى تفكر-
انتقل الى: